গাখীৰৰ সৈতে ঔষধ খাব পাৰিনে? ই ক্ষতিকাৰক নে উপকাৰী, এই বিষয়ে জানো আহক

ডিজিটেল ডেস্ক : ভাৰতৰ অধিকাংশ লোকে গাখীৰৰ লগত ঔষধ খায়। কিছুমানে ৰস আৰু শীতল পানীয়ৰ লগতো ঔষধ সেৱন কৰে। কিন্তু তেনে কৰাটো উচিতনে? গাখীৰৰ লগত সকলো ধৰণৰ ঔষধ খাব পাৰিনে? আচলতে গাখীৰত কেলচিয়াম প্ৰচুৰ পৰিমাণে থাকে, সেয়েহে এই কেলচিয়ামে বহু ঔষধৰ প্ৰভাৱ হ্ৰাস কৰিব পাৰে। কিন্তু কোনবোৰ ঔষধৰ লগত গাখীৰ সেৱন কৰিব নোৱাৰি জানো আহক।

 * ঔষধ গ্ৰহণৰ বাবে গাখীৰ ব্যৱহাৰ কৰা উচিত নেকি?

ভাৰতৰ বেছিভাগ লোকে গাখীৰৰ লগত ঔষধ খোৱা দেখিবলৈ পোৱা যায়, বিশেষকৈ বৃদ্ধসকলে এই কামটো বেছিকৈ কৰে। জাৰ্মান এছ’চিয়েশ্যন অব ফাৰ্মাচিষ্টৰ মুখপাত্ৰ উৰ্চুলা চেলাৰবাৰ্গে এক প্ৰতিবেদনত কয় যে গাখীৰৰ দৰে পানীয়ই এই ঔষধৰ প্ৰভাৱ হ্ৰাস কৰিব পাৰে। আচলতে গাখীৰত কেলচিয়াম থাকে যিয়ে ঔষধত থকা গুণসমূহক তেজত মিহলি হোৱাত বাধা দিব পাৰে। গতিকে ইয়াৰ ফলত ঔষধৰ প্ৰভাৱ কমি যাব পাৰে। এই কাৰণেই বেছিভাগ চিকিৎসকে গাখীৰৰ লগত ঔষধ সেৱন নকৰিবলৈ পৰামৰ্শ আগবঢ়ায়।

 * কোনবোৰ ঔষধৰ লগত গাখীৰৰ খাব নালাগে-

গাখীৰৰ লগত কোনো ঔষধ খোৱাটোৱেই উচিত নহয়, যদিও ইয়াৰ ভিতৰত এন্টিবায়টিক অন্যতম। যদি আপুনি এন্টিবায়টিক গ্ৰহণ কৰি আছে তেন্তে ভুলতো গাখীৰৰ লগত খাব নালাগে। যদি আপুনি এন্টিবায়টিক ঔষধ গাখীৰ বা আন কোনো দুগ্ধজাত সামগ্ৰীৰ সৈতে খায়, তেন্তে ঔষধৰ প্ৰভাৱ হ্ৰাস পায়। বহু সময়ত ইয়াৰ ফলত আপোনাৰ পেটৰো সমস্যা হ’ব পাৰে।

 * ৰসৰ লগত ঔষধ খাব পাৰিনে?

কোনো ফলৰ ৰসৰ সৈতে ঔষধ সেৱন কৰাটো অনুচিত। জাৰ্মান এছ’চিয়েশ্যন অব ফাৰ্মাচিষ্টৰ মুখপাত্ৰ উৰ্চুলা চেলাৰবাৰ্গে তেওঁৰ প্ৰতিবেদনত কয় যে ৰস আমাৰ শৰীৰত পোৱাৰ লগে লগে ই ঔষধটো শৰীৰত দ্ৰৱীভূত হোৱাত সহায় কৰা এনজাইমবোৰক বাধা প্ৰদান কৰিবলৈ আৰম্ভ কৰে। ইয়াৰ ফলত ঔষধৰ প্ৰভাৱো হ্ৰাস পাবলৈ ধৰে। সেইবাবেই ঔষধ লগত কেৱল পানীৰ খোৱাটোকে উচিত বুলি গণ্য কৰা হয়। গাখীৰ আৰু কোনো ফলৰ ৰসৰ লগত ঔষধ খোৱাৰ পৰা বিৰত থকাটোৱেই স্বাস্থ্যৰ বাবে উচিত বুলি বিজ্ঞানে সদৰী কৰে।