ডিজিটেল ডেস্কঃ মেট্ৰ’ ৰে’ল যাত্ৰীসকলৰ বাবে ভাল খবৰ! ব্যস্ততাৰ সময়ত কাৰ্ডখন হাতত লোৱাৰ হেঁচা কমিবলৈ গৈ আছে। মুম্বাইত যাত্ৰীসকলৰ বাবে নতুন ধৰণৰ টিকটৰ ব্যৱস্থা কৰিছে মেট্ৰ’ ৰে’লে, যিবোৰ বেগ বা পকেটত ৰাখিব নালাগে। আকৌ হেৰাই যোৱাৰো ভয় নাথাকিব। এই নতুন ধৰণৰ টিকট গহনাৰ দৰে পিন্ধিব পাৰি! ইয়াৰ দ্বাৰা মেট্ৰ’ যাত্ৰীসকলৰ সময় ৰাহি হোৱাৰ লগতে আৰামও বৃদ্ধি পাব।
এই নতুন টিকটৰ নাম হৈছে ‘টেপ টেপ’। দেশৰ আৰ্থিক ৰাজধানী মুম্বাই এখন অতি ব্যস্ত চহৰ। সেয়েহে চহৰখনৰ ব্যস্ত যাতায়তৰ সুবিধাৰ্থে মুম্বাই মেট্ৰ’ ৰে’ল কৰ্তৃপক্ষই (নাম মুম্বাই মেট্ৰ’ ৱান) এই সেৱা আৰম্ভ কৰিছে। বহুতে আশা কৰে যে যদি মুম্বাইত এই সেৱা সফল হয়, তেন্তে দেশৰ আন চহৰত এই সেৱা আৰম্ভ কৰিব পৰা যাব য’ত মেট্ৰ’ সেৱা চলি আছে।
মুম্বাই মেট্ৰ’ ৱানৰ মতে, যাত্ৰীৰ সংবেদনশীল ছালৰ কথা মনত ৰাখি এই টেপটেপটো নিৰ্মাণ কৰা হৈছে। পৰিৱেশ অনুকূল ছিলিকন সামগ্ৰীৰে নিৰ্মিত এই বেণ্ডটোৱে ছালৰ কোনো ধৰণৰ এলাৰ্জী বা ক্ষতি কৰাৰ সম্ভাৱনা নাই। এই দৈনন্দিন ব্যৱহাৰৰ বেণ্ডটোও পানীৰ পৰা ৰক্ষা কৰা হৈছে।
Continue Reading
