ডিজিটেল ডেস্কঃ আজি স্বাধীনতা দিৱস। আজি সমগ্ৰ দেশে উলহ-মালহেৰে পালন কৰিছে স্বাধীনতা দিৱস। দেশভক্তিৰ ঢৌত উথলি উঠিছে আজি আমাৰ ভাৰতভূমি। আজিৰ দিনটোতেই ১৯৪৭ চনত ভাৰতে ব্ৰিটিছৰ কবলৰ পৰা স্বাধীনতা লাভ কৰিছিল।
আজি হোজাইত স্বাধীনতা দিৱসৰ কাৰ্যসূচী আছিল গৌৰৱ গগৈৰ। পাছে ইয়াত ঘটিল অঘটন। পকেট মাৰে লৈ গ'ল এগৰাকী সাংবাদিকৰ পাৰ্ছসহ নগদ ১৫ হাজাৰ টকা আৰু পৰিচয় পত্ৰ।
সঞ্জীত দে' নামৰ এগৰাকী ছপা মাধ্যমৰ সাংবাদিকৰ পকেট মাৰিলে চোৰে।
হোজাই পুৰণি বজাৰ নেতাজী কৰ্ণাৰত হৈছিল গৌৰৱ গগৈৰ পতাকা উত্তোলন অনুষ্ঠানৰ লগতে ত্ৰিৰংগা ৰেলী। উক্ত ঠাইত সমবেত হৈছিল পাঁচ হাজাৰোধিক লোক।
উক্ত জন সমাগমৰ সুবিধা লৈ চোৰে পকেট মাৰি লৈ গ'ল সাংবাদিকৰ।
ইতিমধ্যে পকেটমাৰ সন্দৰ্ভত সাংবাদিকগৰাকীয়ে এজাহাৰ দাখিল কৰিছে হোজাই থানাত।
Continue Reading
