ঘঁৰিয়ালক খুৱাবলৈ গৈ কথমপি প্ৰাণ ৰক্ষা মহিলাৰ; এজন সাহসী দৰ্শনাৰ্থীৰ তৎপৰতাত ৰক্ষা পৰিল জীৱন

ভাইৰেল হোৱা এই ভিডিঅ’টো আমেৰিকাৰ উটাহৰ বুলি জানিব পৰা গৈছে, য’ত ডেৰ ৮ ফুট দীঘল ঘঁৰিয়ালে হঠাতে স্কেলছ এণ্ড টেইলছ টেপটাইলছ চেণ্টাৰৰ এগৰাকী মহিলা অপাৰেটৰক আক্ৰমণ কৰিছিল। ঘঁৰিয়ালটোৱে মহিলাগৰাকীৰ হাতখন মুখৰে কামুৰি ধৰে। মহিলাগৰাকীয়ে হাতখন মুক্ত কৰিবলৈ বহু চেষ্টা কৰে যদিও ঘঁৰিয়ালটোৱে মহিলাগৰাকীৰ হাতখন কমেও ১:৩০ মিনিটৰ বাবে মুখত ৰাখে। তালৈ ভ্ৰমণ কৰিবলৈ অহা পৰ্যটকসকলে এই বিপজ্জনক আক্ৰমণ দেখি স্তম্ভিত হৈ পৰে।উল্লেখ্য যে, ঘঁৰিয়ালটোক দুপৰীয়াৰ আহাৰ খুৱাবলৈ আহে সৰীসৃপ কেন্দ্ৰটোৰ এগৰাকী অপাৰেটৰ। হঠাৎ আক্ৰমণাত্মক হৈ চোলাৰে হাতখন ধৰি মহিলাগৰাকীক ঘঁৰিয়ালটোৱে টানি আঁতৰাই লৈ যায়। এই দেখি এগৰাকী দৰ্শনাৰ্থীয়ে মহিলাগৰাকীক বচাবলৈ লৰালৰিকৈ গৈ ঘঁৰিয়ালটোৰ ওপৰত বহিল। অলপ পাছতে কেন্দ্ৰটোৰ আন এজন কৰ্মচাৰী আহি মহিলাগৰাকীক টেংকৰ পৰা উলিয়াই আনে। সকলো চেষ্টা কৰাৰ পাছত ঘঁৰিয়ালটোৱে মহিলাগৰাকীৰ হাতখন এৰি দিয়ে।ঘঁৰিয়ালটো অলপ শান্ত হোৱাত দৰ্শনাৰ্থীজনো টেংকৰ পৰা জপিয়াই ওলাই আহে।

উল্লেখ্য যে এই ঘটনা তিনিবছৰ পুৰণি যিটো আকৌ এবাৰ ভাইৰেল হৈ পৰিছে। এই ঘটনাত মহিলাগৰাকীৰ হাতৰ কেইবাডালো হাড় ভাঙি যায়। আক্ৰমণৰ পাছতে মহিলাগৰাকীক লগে লগে চিকিৎসকৰ ওচৰলৈ লৈ যোৱা হয়, য’ত মহিলাগৰাকীৰ হাতৰ অস্ত্ৰোপচাৰ কৰা হয়।

বৰ্তমান এই ভাইৰেল ভিডিঅ'টোক লৈ নেটিজেনে বৰ্তমান তীব্ৰ প্ৰতিক্ৰিয়া প্ৰকাশ কৰিছে। বহু ব্যৱহাৰকাৰীয়ে নিজৰ জীৱনৰ কথা চিন্তা নকৰাকৈ এগৰাকী মহিলা কৰ্মচাৰীৰ প্ৰাণৰক্ষা কৰা দৰ্শনাৰ্থীক সকলোৱে ভূয়সী প্ৰশংসা কৰিছে।আন এজন ব্যৱহাৰকাৰীয়ে লিখিছে, পুৰুষজন যথেষ্ট সাহসী আৰু তেওঁ  অভিনন্দনৰ প্ৰাপ্য।