ডিজিটেল ডেস্কঃ পুনৰ চৰ্চালৈ আহিছে যোগ গুৰু বাবা ৰামদেৱ। পতঞ্জলি বা আন কোনো বিষয়ৰ বাবে নহয় এইবাৰ বাবা ৰামদেৱ চৰ্চালৈ আহিছে ঘোঁৰাৰ সমানে সমানে দৌৰি। ইতিমধ্যে ঘোঁৰাৰ সৈতে দৌৰা এক ভিডিঅ' সামাজিক মাধ্যমত ভাইৰেল হৈ পৰিছে। ভিডিঅ’টোত ৰামদেৱে এটা ঘোঁৰাৰ সমানে সমানে দৌৰা দেখা গৈছে। এই ভিডিঅ’টো ভাইৰেল হোৱাৰ চৰ্চাৰ কেন্দ্ৰবিন্দু হৈ পৰে ৰামদেৱ।
এজন ব্যক্তি কিমান সুস্থ আৰু সক্ৰিয় হ'লে ৫৯ বছৰ বয়সতো এই গতিত দৌৰিব পাৰে, তাক লৈ ছ'চিয়েল মেডিয়াত যথেষ্ট প্ৰতিক্ৰিয়াৰ সৃষ্টি হৈছে। জানিব পৰা মতে ফিটনেছ প্ৰদৰ্শনৰ বাবে ৰামদেৱে নিজেই ছ’চিয়েল মিডিয়াত এই ভিডিঅ’ প’ষ্ট কৰিছিল আৰু তাৰ পিছতেই সকলোৰে মাজত চৰ্চা আৰম্ভ হয়। ৰামদেৱৰ এই শাৰীৰিক শক্তি দেখি স্বাভাৱিকভাৱেই সকলো আচৰিত হৈছে। বহুতেই ছ’চিয়েল মিডিয়াত ইয়াৰ প্ৰতিক্ৰিয়া প্ৰকাশ কৰিছে। যোগৰ পৰিৱৰ্তনশীল শক্তিৰ বিষয়ে এক শক্তিশালী বাৰ্তা প্ৰদান কৰায়ে এই ভিডিঅ'টোৰ মূল উদ্দেশ্য।
(দৈনিক জনমভূমিৰ প্ৰতিবেদন)
Continue Reading
