ডিজিটেল ডেস্ক : আমেৰিকা-ইৰানৰ যুদ্ধই বিশ্বৰ অর্থনীতিলৈ অশনি সংকেত কঢ়িয়াই আনিছে। আন্তঃৰাষ্ট্ৰীয় মুদ্রা নিধিৰ (আই এম এফ) পৰিচালন সঞ্চালক ক্রিষ্টালিনা জৰ্জিভাৰ মন্তব্যই যুদ্ধৰ ফলত বিশ্বৰ অৰ্থনীতিত সৃষ্ট নেতিবাচক প্রভাৱক প্রতিফলিত কৰিছে।
জর্জিভাই প্রকাশ কৰিছে যে মধ্যপ্রাচ্যৰ যুদ্ধই বিশ্বজুৰি মুদ্রাস্ফীতি বৃদ্ধি কৰাৰ লগতে গোলকীয় বিকাশ অতি লেহেম কৰি তুলিব। তেওঁ কয় যে আমেৰিকা আৰু ইৰানৰ মাজৰ যুদ্ধখন সোনকালে শেষ হ'লেও গোলকীয় অর্থনৈতিক বিকাশ ধীৰ হৈয়ে থাকিব।
সংবাদ প্রতিষ্ঠান 'ৰয়টাৰ্ছ'ৰ আগত তেওঁ এই কথা প্ৰকাশ কৰাৰ লগতে কয় যে বিশ্ব অর্থনৈতিক আউটলুকত ১৪ এপ্রিলত আই এম এফে আনুষ্ঠানিকভাৱে সংশোধিত তথ্য প্রকাশ কৰিব। উল্লেখযোগ্য যে যুদ্ধৰ ফলত গোলকীয় তেল যোগান ১৩ শতাংশ হ্রাস পাইছে। গেছৰ যোগানো বাধাগ্রস্ত হৈছে। যোগান শৃংখলা সম্পূৰ্ণৰূপে ব্যাহত হৈছে। যাৰ পৰিণতিত সামগ্ৰীৰ দাম আকাশলংঘী হৈ পৰিছে। ইৰানে হৰমুজ প্রণালী বন্ধ কৰি ৰখাৰ ফলতে বিশ্ব অর্থনীতিত নেতিবাচক প্রভাৱ পৰিছে।
উৎসঃ দৈনিক জনমভূমি
Continue Reading
