ডিজিটেল ডেস্কঃ এফালে নতুন সংসদ ভৱনৰ উদ্বোধনী বৰ্জনৰ সন্দৰ্ভত বিৰোধী দল একত্ৰিত হোৱা যেন লাগিলেও গৃহমন্ত্ৰী অমিত শ্বাহে সংবাদমেলত কয় যে নতুন সংসদ ভৱন প্ৰধানমন্ত্ৰী নৰেন্দ্ৰ মোদীৰ দূৰদৰ্শিতাৰ প্ৰমাণ।
অমিত শ্বাহে কয়, প্ৰধানমন্ত্ৰী মোদীয়ে ২৮ মে’ত সংসদৰ নৱনিৰ্মিত ভৱনটো ৰাষ্ট্ৰৰ বাবে উৎসৰ্গা কৰিব। অভিলেখ সময়ত এই নতুন গাঁথনি নিৰ্মাণত প্ৰায় ৬০,০০০ শ্ৰম যোগীয়ে অৰিহণা যোগাইছে। এই উপলক্ষে প্ৰধানমন্ত্ৰীয়ে সকলো শ্ৰম যোগীকো সম্বৰ্ধনা জনাব।
গৃহমন্ত্ৰীগৰাকীয়ে কয়, উদ্বোধনী অনুষ্ঠানত এক ঐতিহাসিক পৰম্পৰা পুনৰুজ্জীৱিত হ’ব, যাৰ আঁৰত যুগ যুগ সম্পৰ্কীয় পৰম্পৰা আছে। ইয়াক তামিল ভাষাত চেংগোল বুলি কোৱা হয় যাৰ আক্ষৰিক অৰ্থ হৈছে ধন-সম্পত্তিৰে সমৃদ্ধ। গৃহমন্ত্ৰীয়ে কয়, ১৯৪৭ চনৰ ১৪ আগষ্টত এক অনন্য ঘটনা সংঘটিত হৈছিল। ৭৫ বছৰৰ পাছত আজি দেশৰ অধিকাংশ নাগৰিকে এই বিষয়ে অৱগত নহয়। আমাৰ ইতিহাসত চেংগোলে গুৰুত্বপূৰ্ণ ভূমিকা পালন কৰিছিল। এই চেংগোল ক্ষমতা হস্তান্তৰৰ প্ৰতীক হৈ পৰিল। এই সন্দৰ্ভত যেতিয়া প্ৰধানমন্ত্ৰী মোদীয়ে তথ্য পালে, তেতিয়া এক পুংখানুপুংখ তদন্ত কৰা হ’ল। তাৰ পিছত সিদ্ধান্ত লোৱা হ’ল যে দেশৰ আগত ইয়াক ৰাখিব লাগে। ইয়াৰ বাবে নতুন সংসদ ভৱনৰ উদ্বোধনী দিনটো বাছি লোৱা হ’ল।
এই সময়ত গৃহমন্ত্ৰী অমিত শ্বাহে বিৰোধীৰ প্ৰতিবাদৰ ওপৰত ভাষণ দি কয় যে আমি উদ্বোধনী অনুষ্ঠানত সকলোকে আমন্ত্ৰণ জনাইছো।
Continue Reading
