জিএছটি পৰিষদৰ এই বৈঠকত জীৱন আৰু স্বাস্থ্য বীমা পলিচীৰ প্ৰিমিয়ামৰ কৰ হ্ৰাস কৰাৰ সিদ্ধান্ত পিছুৱাই দিয়া হয়। বৈঠকত কোৱা হয় যে এই ক্ষেত্ৰত আৰু কিছুমান কাৰিকৰী দিশৰ ওপৰত গুৰুত্ব দিয়াটো প্ৰয়োজন, সেয়েহে ইয়াক অধিক বিবেচনা কৰাৰ কাম জিঅ’এমৰ ওপৰত ন্যস্ত কৰা হ

Listen to Article

2 min read

80%

ডিজিটেল ডেস্কঃ আজি ৰাজস্থানৰ জয়ছালমেৰত বিত্তমন্ত্ৰী নিৰ্মলা সীতাৰমনৰ সভাপতিত্বত জিএছটি পৰিষদৰ বৈঠক অনুষ্ঠিত হয়। এই বৈঠকত পপকৰ্ণক জিএছটিৰ আওতালৈ অনা হয়। এতিয়া ৰেডি টু ইট পপকৰ্ণৰ ওপৰতো আৰোপ কৰা হ’ব জিএছটি।

এই জিএছটি পৰিষদৰ বৈঠকত প্ৰি-পেক নকৰা আৰু লেবেল নথকা নিমখ আৰু মছলাৰ পৰা তৈয়াৰী পপকৰ্ণৰ জিএছটি ৫ শতাংশলৈ বৃদ্ধি কৰা হৈছে, আনহাতে যদি পেকেজ কৰি লেবেল লগোৱা হয় তেন্তে ইয়াৰ জিএছটি ১২ শতাংশলৈ বৃদ্ধি কৰা হৈছে। আনহাতে কেৰামেলৰ পৰা প্ৰস্তুত কৰা পপকৰ্ণক ‘চীনা মিঠাই’ৰ শ্ৰেণীত ৰখা হৈছে আৰু ইয়াৰ ওপৰত ১৮ শতাংশ জিএছটি আৰোপ কৰা হৈছে।

জিএছটি পৰিষদৰ এই বৈঠকত জীৱন আৰু স্বাস্থ্য বীমা পলিচীৰ প্ৰিমিয়ামৰ কৰ হ্ৰাস কৰাৰ সিদ্ধান্ত পিছুৱাই দিয়া হয়। বৈঠকত কোৱা হয় যে এই ক্ষেত্ৰত আৰু কিছুমান কাৰিকৰী দিশৰ ওপৰত গুৰুত্ব দিয়াটো প্ৰয়োজন, সেয়েহে ইয়াক অধিক বিবেচনা কৰাৰ কাম জিঅ’এমৰ ওপৰত ন্যস্ত কৰা হ’ব। এই সন্দৰ্ভত বিহাৰৰ উপ-মুখ্যমন্ত্ৰী সম্ৰাট চৌধুৰীয়ে কয় যে পলিচিৰ প্ৰিমিয়ামত জিএছটি আৰোপ কৰাৰ সিদ্ধান্ত জিঅ’এমৰ বৈঠকৰ অন্তত লোৱা হ’ব। জিঅ’এমৰ সদস্যসকলৰ মাজত মতানৈক্যৰ বাবে এই সিদ্ধান্তত পলম হোৱা বুলিও তেওঁ কয়। তেওঁ কয় যে বীমাৰ ওপৰত জিএছটি সন্দৰ্ভত মন্ত্ৰী গোটৰ পৰৱৰ্তী বৈঠক জানুৱাৰী মাহত অনুষ্ঠিত হ’ব পাৰে।

এই বৈঠকত কেন্দ্ৰীয় বিত্ত ৰাজ্য মন্ত্ৰী পি পি চৌধুৰীকে ধৰি কেইবাগৰাকীও বিশিষ্ট বিষয়াৰ লগতে গোৱা, হাৰিয়ানা, জম্মু-কাশ্মীৰ, মেঘালয়, ওড়িশা আদি ৰাজ্যৰ মুখ্যমন্ত্ৰীসকল উপস্থিত থাকে। ইয়াৰ সমান্তৰালকৈ বিভিন্ন ৰাজ্য আৰু কেন্দ্ৰীয় শাসিত অঞ্চলৰ বিত্তমন্ত্ৰীসকলৰ লগতে অৰুণাচল প্ৰদেশ, বিহাৰ, মধ্যপ্ৰদেশ আৰু তেলেংগানাৰ উপ-মুখ্যমন্ত্ৰীসকলেও আলোচনাত অংশগ্ৰহণ কৰে।