পুনৰ মহানগৰীৰ স্মাৰ্ট আৰক্ষীক চেলেঞ্জ চোৰৰ

ডিজিটেল ডেস্ক: পুনৰ মহানগৰীৰ স্মাৰ্ট আৰক্ষীক চেলেঞ্জ দিলে চোৰে। এইবাৰ চোৰে মহানগৰীৰ নাৰেংগীৰ ফৰেষ্ট গেটৰ পেট্ৰল পাম্পৰ সমীপৰ গেলা মালৰ দোকানৰ তলা ভাঙি লৈ গ’ল বিভিন্ন সামগ্ৰী। সমগ্ৰ দৃশ্য বন্দী হৈ ৰ’ল চি চি টিভিৰ কেমেৰাত।

স্মাৰ্ট আৰক্ষীক প্ৰত্যাহ্বান জনাই নাৰেংগীৰ ফৰেষ্ট গেটৰ পেট্ৰল পাম্পৰ সমীপৰ গেলা মালৰ দোকানৰ পৰা চোৰে লৈ গ’ল বিভিন্ন খাদ্য সামগ্ৰী। স্কুটিত উঠি অহা তিনি জন চোৰে ছুৱেন্দ্ৰ গুপ্তাৰ দোকানৰ তলা ভাঙি ৫০-৬০ হাজাৰ টকাৰ সামগ্ৰী লৈ উধাও হয়। 

আজি পুৱাৰ ভাগত দোকানৰ গৰাকী দোকান খুলিবলৈ আহি চুৰি কাৰ্য ধৰা পেলায়। 

ঘটনা সন্দৰ্ভত দোকানখনৰ গৰাকীয়ে নুনমাটি আৰক্ষী থানাত দাখিল কৰে এজাহাৰ। এজাহাৰৰ ভিত্তিত নুনমাটি আৰক্ষীয়ে থানাত এটা গোচৰ ৰুজু কৰি আৰম্ভ কৰিছে তদন্ত।