ডিজিটেল ডেস্কঃ ওজন কম কৰাৰ সময়ত আমি ডায়েটিঙকে ধৰি বিভিন্ন ধৰণৰ ব্যায়াম কৰা আৰম্ভ কৰো। কিন্তু বহু সময়ত এনেকুৱা হয় যে সকলো কৰা পাছতো ওজন বা মেদবহুলতা কমি নাযায়। ইয়াৰ কাৰণ হৈছে আমাৰ জীৱনশৈলীত কৰা কিছুমান ভুল। হয়, ওজন কমোৱাৰ সময়ত আমি প্ৰতিদিনে এনে বহুতো ভুল কৰোঁ যিয়ে আমাৰ ওজন কমাত বাধাৰ সৃষ্টি কৰে। ওজন কমাওঁতে কোনবোৰ ভুল এৰাই চলিব লাগে জানো আহক।
ওজন কমাওঁতে এইবোৰ ভুল কৰাৰ পৰা বিৰত থাকক-
১)খাদ্য খোৱাৰ সময়ত টিভি চোৱা বা মোবাইলত লাগি থকা- প্ৰতিদিনে মানুহে কৰা ভুলৰ ভিতৰত এইটো এটা সাধাৰণ ভুল। এইটো এটা অতি বেয়া অভ্যাস যিটো আমাৰ বেছিভাগেই কৰে। টিভি চাই বা মোবাইল ব্যৱহাৰ কৰি খালে অতিমাত্ৰা খাদ্য খোৱাৰ প্ৰৱণতা থাকে। অধিক খাদ্য বা কেলৰি খোৱাৰ ফলত আপোনাৰ ওজন বৃদ্ধি পায়।সেয়েহে খাদ্যৰ সময়ত আপুনি কেৱল খাদ্যৰ ওপৰতহে মনোযোগ দিব লাগে। খাদ্য খোৱাৰ সময়ত যিকোনো ধৰণৰ ইলেক্ট্ৰনিক গেজেটৰ পৰা আঁতৰি থাকিবলৈ চেষ্টা কৰক।
২)বেছি খৰকৈ খোৱা- খাদ্য আপুনি কেতিয়াও খৰখেদাকৈ খাব নালাগে। খাদ্যখিনি ভালদৰে চোবাই লাহে লাহে খাব লাগে। কাৰণ আপুনি ভৰপূৰ হোৱাৰ সংকেতবোৰ আপোনাৰ মগজুৱে বুজিবলৈ সময় লাগে। দ্ৰুতভাৱে খালে অতি সোনকালে খাই শেষ হয়। যাৰ বাবে আপোনাৰ ভোক পূৰণ নহয়। কাৰণ পেট ভৰোৱাৰ সংকেত আপোনাৰ মগজুত গৈ নাপায়। এইদৰে আপুনি অধিক খাদ্য গ্ৰহণ কৰে আৰু অধিক কেলৰি গ্ৰহণ কৰে। তাৰপাছত আপোনাৰ ওজন বাঢ়িবলৈ আৰম্ভ কৰে।
৩)পৰ্যাপ্ত টোপনি নোযোৱা- যেতিয়া আপুনি ভাল আৰু পৰ্যাপ্ত টোপনি মাৰে তেতিয়া ই লেপ্টিন হৰম’ন নিয়ন্ত্ৰণ কৰে। এই কাৰ্যই আপোনাৰ ভোক নিয়ন্ত্ৰণ কৰে। কম সময় শুলে শৰীৰত এই হৰম’নৰ মাত্ৰা কম হয়, তেতিয়া আপুনি অধিক ভোক অনুভৱ কৰে আৰু বেছিকৈ খাবলৈ ধৰে। ফলত আপোনাৰ ওজন বাঢ়িবলৈ আৰম্ভ কৰে।
Continue Reading
