ডিজিটেল ডেস্কঃ অসমৰ মুখ্যমন্ত্ৰী হিমন্ত বিশ্ব শৰ্মাৰ বিৰুদ্ধে দলীয় নেতা ছোনিয়া গান্ধী আৰু ৰাহুল গান্ধীৰ বিৰুদ্ধে অশ্লীল মন্তব্য কৰাৰ অভিযোগত মানহানিৰ গোচৰ ৰুজু কৰা কংগ্ৰেছ নেতাৰ বক্তব্য স্থানীয় আদালতে লিপিবদ্ধ কৰিছে। ২০২২ চনৰ উত্তৰাখণ্ড বিধানসভা নিৰ্বাচনৰ বাবে প্ৰচাৰ চলাই মন্তব্য কৰিছিল শৰ্মাই।
উত্তৰাখণ্ড কংগ্ৰেছৰ মুখপাত্ৰ গণেশ উপাধ্যায়ে ১৫ মে’ত শুনানিৰ সময়ত অতিৰিক্ত মুখ্য ন্যায়িক দণ্ডাধীশ নদীম আহমেদৰ আগত নিজৰ বক্তব্য লিপিবদ্ধ কৰে।তেওঁ কয় যে অসমৰ মুখ্যমন্ত্ৰীৰ এই মন্তব্যই নাগৰিক সমাজৰ সদস্যসকলৰ আৱেগক আঘাত হানিছে।
উপাধ্যায়ৰ মতে, ২০২২ চনৰ ১১ ফেব্ৰুৱাৰীত কিচ্ছাত অনুষ্ঠিত নিৰ্বাচনী সভাত শৰ্মাই কয় যে, "আমি কেতিয়াবা ৰাহুল গান্ধীক তেওঁৰ পিতৃ কোন তাৰ প্ৰমাণ দিবলৈ কৈছিলো নে।"স্মৰ্তৱ্য যে ২০১৬ চনত ভাৰতে পাকিস্তানত কৰা চাৰ্জিকেল ষ্ট্ৰাইকক লৈ প্ৰশ্ন উত্থাপন কৰি ৰাহুল গান্ধীক সমালোচনা কৰিছিল অসমৰ মুখ্যমন্ত্ৰী সৰ্বানন্দ সোণোৱালে।
হিমন্ত বিশ্ব শৰ্মাৰ বিৰুদ্ধে দিয়া এই গোচৰৰ পৰৱৰ্তী শুনানি ৩ জুনত হ’ব।
Continue Reading
