ইৰান-তুৰস্ক সীমান্তত ড্ৰোনেৰে সীমান্ত নিৰীক্ষণ তুৰ্কীৰ

তুৰস্কঃ তুৰ্কীয়ে ইৰাণ-তুৰস্ক সীমান্তত নিৰাপত্তা ব্যৱস্থা শক্তিশালী কৰি তুলিছে। ড্ৰোন আৰু হেলিকপ্টাৰৰ সৈতে তীক্ষ্ণ নজৰ ৰাখিছে সামৰিক বাহিনীয়ে। শেহতীয়াকৈ দুয়োখন দেশত এটা ৰহস্যজনক দাবানল সংঘটিত হোৱাৰ পাছত অবৈধ শৰণাৰ্থীৰ প্ৰতিৰোধ কৰিবলৈ এই পদক্ষেপ লোৱা হৈছিল। পৰ্যৱেক্ষণ টাৱাৰৰ সৈতে প্ৰথম ৫ কিঃমিঃ সীমান্ত অঞ্চলত দেৱালখন নিৰ্মাণ কৰা হৈছে। সীমান্ত অঞ্চলত শৰণাৰ্থীৰ অবৈধ প্ৰৱেশ আৰু ড্ৰাগছ ব্যৱসায়ীসকলৰ চলাচল বন্ধ কৰিবলৈ দুয়োখন দেশে কঠোৰ সতৰ্কতা গ্ৰহণ কৰা পৰিলক্ষিত হৈছে। দেৱাল নিৰ্মাণৰ বাবে সীমান্ত অঞ্চলৰ পৰা ভূমি খনি আঁতৰোৱা হৈছে। সীমান্ত অঞ্চলত দেৱালখনৰ নিৰ্মাণকাৰ্য চলিত বৰ্ষতে সম্পূৰ্ণ হোৱাৰ সম্ভাৱনা আছে।

জানিবলৈ পোৱা মতে,সীমান্তৰ দেৱালখন ৩ মিটাৰ ওখ আৰু ১ইঞ্চি ডাঠ। ৭ টন ওজনৰ কংক্ৰিটৰ শ্লেবৰ সৈতে নিৰ্মাণ কৰা হৈছে দেৱালখন। অবৈধ অনুপ্ৰৱেশকাৰীক ভেটা দিবলৈ ইৰাণ-তুৰস্ক সীমান্তত ১১০ কিঃমিঃ এলেকা আৱৰি ৪ মিটাৰ ওখ দেৱালখনৰ নিৰ্মাণকাৰ্য আৰম্ভ হৈছে। উল্লেখ্য যে, সীমান্ত ৰক্ষীৰ ৯টা তুৰ্কী বেটেলিয়ন সীমান্তৰ ৪৪ টা স্থানত মোতায়েন কৰা হৈছে। তত্বাৱধায়ক বাহিনী আৰু ৭৫০ খন সশস্ত্ৰ আৰক্ষীৰ বাহনে নিয়মীয়াকৈ সীমান্তত টহল দি আছে। তুৰ্কীয়ে ড্ৰোন আৰু হেলিকপ্টাৰৰ সহায়ত সীমান্ত নিৰীক্ষণ কৰি আছে।