পাক সীমান্তৰক্ষীৰ সৈতে আফগান বিক্ষোভকাৰীৰ সংঘৰ্ষ

পাকিস্তানঃ পাক-আফগানিস্তান সীমান্তত আফগান প্ৰতিবাদকাৰীৰ সৈতে পাক সীমান্ত ৰক্ষীৰ সংঘৰ্ষৰ ঘটনা পোহৰলৈ আহিছে।উল্লেখ্য যে, কিছুদিন পূৰ্বে স্পিন-বলদাক সীমান্তৰ নিৰ্দিষ্ট অংশত পাকিস্তানত ৫৬ বছৰীয়া এগৰাকী আফগানৰ মৃত্যু হৈছিল। প্ৰখৰ ৰ'দ আৰু ধূলিৰ বাবে আফগানীজনৰ মৃত্যু হৈছিল। এই ঘটনাক কেন্দ্ৰ কৰি দুয়োটা ফৈদৰ মাজত তীব্ৰ বিক্ষোভৰ সৃষ্টি হৈছে।

ইফালে আফগানিস্তানৰ সৈতে পাকিস্তানৰ ব্যৱসায়িক ক্ষেত্ৰৰ সীমান্ত অতি গুৰুত্বপূৰ্ণ বুলি আল-জাজিৰাই সদৰী কৰিছে।কিন্তু তালিবানে সীমান্তৰ আফগানিস্তান অংশ দখল কৰাৰ পাছত পাকিস্তানে বিগত মাহত সীমান্তৰ দুৱাৰ বন্ধ কৰি দিছিল। ফলস্বৰূপে, পাকিস্তানত শ শ আফগান আৱদ্ধ হৈ পৰিছিল। স্পিন-বলদাক জিলাৰ এই সীমান্ত পাৰ হোৱাটো পাকিস্তানৰ দ্বিতীয় ব্যস্ততম প্ৰৱেশদ্বাৰ।

আফগানিস্তানৰ দ্বিতীয় বৃহত্তম চহৰ কান্দাহাৰৰ সৈতে পাকিস্তানৰ সাগৰবন্দৰৰ সংযোগস্থল স্পিন-বলদাক গুৰুত্বপূৰ্ণ অভিকেন্দ্ৰ। আফগান চৰকাৰী তথ্য অনুসৰি, দিনে ৯০০ ট্ৰাক উক্ত সীমান্তৰ পথেৰে গতি কৰে। জানিবলৈ পোৱা মতে,হৃদৰোগত আক্ৰান্ত হৈ মৃত্যু হোৱা লোকজনৰ মৃতদেহ লৈ আফগানসকলে পাকিস্তানৰ স্থানীয় চৰকাৰী কাৰ্যালয়ৰ সন্মুখত একত্ৰিত হৈছিল। সম্প্ৰতি সীমান্ত মুকলি কৰিবলৈ দাবী আফগান বিক্ষোভকাৰীৰ।