ডিজিটেল ডেস্ক: যোৱা টি-২০ বিশ্ব কাপত মেচ ফিক্সিঙৰ অভিযোগ উঠিছে। তাকে লৈ সৃষ্টি হৈছে তীব্র চাঞ্চল্যৰ। প্রতিযোগিতাখনৰ ৰানাৰ-আপ নিউজিলেণ্ডৰ গ্ৰুপৰ এখন মেচ ফিক্সিং হৈছিল বুলি প্রশ্ন উত্থাপিত হৈছে।
কানাডা-নিউজিলেণ্ডৰ মাজৰ খেলখনৰ স্বচ্ছতাক লৈ প্রশ্ন উঠিছে। ক্রিকেট সম্পৰ্কীয় এটা ৱেবছাইটত প্রকাশ পাইছে যে নিউজিলেণ্ডৰ ইনিংছৰ পঞ্চম অ'ভাৰক লৈ সন্দেহৰ সৃষ্টি হৈছে। শেহতীয়াকৈ এখন তথ্যচিত্রত দাবী কৰা হৈছিল যে মেচখন ফিক্সিং কৰা হৈছিল। অভিযোগৰ মূল কেন্দ্ৰ হৈছে কানাডা। কানাডাৰ ব্ৰডকাষ্টিং কৰ্প'ৰেশ্যনৰ তদন্তমূলক অনুষ্ঠান দ্য ফিফট এষ্টেটৰ সম্প্ৰচাৰিত তথ্যচিত্ৰত দুর্নীতি, অপৰাধ আৰু ক্রিকেটক লৈ তৈয়াৰ হৈছে মেচ ফিক্সিঙৰ আশংকা।
তথ্যচিত্রখনত কানাডাৰ ক্ৰিকেট ব'ৰ্ডৰ অভ্যন্তৰীণ অন্তর্কলহ, দল নির্বাচনত অস্বচ্ছতাৰ কথা কোৱা হৈছে। তথ্যচিত্ৰখনত মেচ সংক্রান্তত কিছু সন্দেহজনক কার্যকলাপৰো অভিযোগ উঠিছে। বিতর্ক আৰু বৃদ্ধি হৈছে এটা পুৰণি টেলিফ'ন ৰেকর্ডিঙক লৈ। সেই ৰেকর্ডিঙত কানাডাৰ প্ৰাক্তন প্রশিক্ষক খুৰৰম চৌহানে দাবী কৰিছে যে দেশখনৰ ক্ৰিকেট ব'ৰ্ডৰ কর্মকর্তাই কেইবাগৰাকী ক্রিকেটাৰক দলত ৰখাৰ বাবে চাপ তৈয়াৰ কৰিছিল।
উল্লেখযোগ্য যে সেই মেচখনত নিউজিলেণ্ডৰ পঞ্চম অ'ভাৰত বলাৰ আছিল কানাডাৰ অধিনায়ক দিলপ্রীত বাজৱা। সেই অ'ভাৰত তেওঁ এটা ন'বল আৰু দুটা ৱাইড বল কৰিছিল। বাজৱাৰ অ'ভাৰত নিউজিলেণ্ডে ১৫ ৰান সংগ্ৰহ কৰে। বাজৱাৰ আগেয়ে বলিং কৰিবলৈ অহা কানাডাৰ আন দুগৰাকী বলাৰেও ৪২ ৰান খৰচ কৰে। দুই অ'ভাৰত নিউজিলেণ্ডে সংগ্রহ কৰে ৩৫ ৰান।
ইফালে, আই চি চিৰ দুর্নীতি বিৰোধী শাখাই এই অভিযোগৰ তদন্ত আৰম্ভ কৰিছে যদিও এই প্রসংগত আনুষ্ঠানিকভাৱে কোনো মন্তব্য প্রদান কৰা হোৱা নাই। যদিহে এই অভিযোগ প্রমাণিত হয় তেন্তে কানাডাই কঠোৰ শাস্তিৰ সন্মুখীন হ'ব পাৰে।
উৎস: দৈনিক জনমভূমি
Continue Reading
