ডিজিটেল ডেস্কঃ এইবাৰ বিশ্বকাপত সৰ্বাধিক ৰানৰ তালিকাত শীৰ্ষস্থান দখল কৰিছে মহম্মদ ৰিজৱান। নিউজিলেণ্ডৰ ডেভন কনৱেক অতিক্ৰমে তেওঁ। বলাৰৰ তালিকাত শীৰ্ষ স্থানত আছে যশপ্ৰীত বুমৰাহ।
এই পৰ্যন্ত বিশ্বকাপত তিনিখন মেচ খেলিছে ৰিজৱানে। তেওঁ ২৪৮ ৰান সংগ্ৰহ কৰে। দ্বিতীয় স্থানত থকা কনৱেই ২২৯ ৰান সংগ্ৰহ কৰে। শনিবাৰে ৰিজৱানে তেওঁৰ শীৰ্ষস্থান দখল কৰে। তৃতীয় স্থানত আছে ৰোহিত শৰ্মা। ভাৰতীয় অধিনায়কগৰাকীয়ে এই পৰ্যন্ত ২১৭ ৰান সংগ্ৰহ কৰিছে। দক্ষিণ আফ্ৰিকাৰ কুইণ্টন ডি ককে একেৰাহে দুখন মেচত শতক অৰ্জন কৰে। তেওঁ চতুৰ্থ স্থানত আছে। ২ খন মেচত ২১৯ ৰান সংগ্ৰহ কৰে। শ্ৰীলংকাৰ কুশল মেণ্ডিছে ২খন খেলত ১৯৮ ৰান সংগ্ৰহ কৰে। তেওঁ পঞ্চম স্থানত আছে।
উইকেট দখলকাৰীৰ তালিকাত শীৰ্ষ স্থানত আছে বুমৰাহ। ভাৰতীয় পেচাৰগৰাকীয়ে ৩খন মেচত ৮টা উইকেট দখল কৰিছে। নিউজিলেণ্ডৰ মিচেল ছাণ্টনাৰেও ৩খন খেলত ৮টা উইকেট দখল কৰে। বুমৰাহৰ ইকনমি ৰেট ভাল গতিকে তেওঁ শীৰ্ষত আছে। মেট হেনৰীয়েও ৩খন মেচত ৮টা উইকেট দখল কৰে। পাকিস্তানৰ হাছান আলীয়ে ৩খন খেলত ৭টা উইকেট দখল কৰে। কাগিছ’ ৰাবাদাই ৫টা উইকেট দখল কৰে। এই দক্ষিণ আফ্ৰিকান পেচাৰে ২ খন মেচ খেলিছে।
Continue Reading
