শনিবাৰে বিশ্বকাপত পাকিস্তানৰ বিৰুদ্ধে ৰোহিত শৰ্মাই ৬৩টা বলত ৮৬ ৰানৰ অন্যবদ্য ইনিংছ প্ৰদৰ্শন কৰে। বেটিং কৰাৰ সময়ত ৰোহিত শৰ্মাই কোনো সমস্যাৰ সন্মুখীন হ’বলগীয়া হোৱা নাছিল। গোটেই ইনিংছটোত তেওঁ ৬টা চাৰি আৰু ৬টা ছিক্সাৰ সংগ্ৰহ কৰে। অৰ্ধশতক অৰ্জন কৰাৰ পাছত হঠা

Listen to Article

2 min read

80%

ডিজিটেল ডেস্কঃ শনিবাৰে বিশ্বকাপত পাকিস্তানৰ বিৰুদ্ধে ৰোহিত শৰ্মাই ৬৩টা বলত ৮৬ ৰানৰ অন্যবদ্য ইনিংছ প্ৰদৰ্শন কৰে। বেটিং কৰাৰ সময়ত ৰোহিত শৰ্মাই কোনো সমস্যাৰ সন্মুখীন হ’বলগীয়া হোৱা নাছিল। গোটেই ইনিংছটোত তেওঁ ৬টা চাৰি আৰু ৬টা ছিক্সাৰ সংগ্ৰহ কৰে। অৰ্ধশতক অৰ্জন কৰাৰ পাছত হঠাতে ভাৰতীয় অধিনায়কগৰাকীয়ে আম্পায়াৰৰ সৈতে কথা পাতি থকা দেখা গ’ল। বাইচেপছ দেখুৱাবলৈ তেওঁ জাৰ্চিটো তুলি লয়৷ সেই সময়ত কি আলোচনা হৈছিল সেই কথা ৰোহিতে মেচৰ পিছত প্ৰকাশ কৰাতহে উৎকণ্ঠিত অনুৰাগীৰ মন স্থিৰ হয়।

ৰোহিতে পাকিস্তানৰ বলাৰসকলক ইজনৰ পাছত সিজনকৈ ছিক্সাৰ কোবায়। ৰোহিতে শ্বাহীন আফ্ৰিদি, হাৰিছ ৰাউফ সকলোৰে বাবে চাপৰ পৰিবেশ এটা সৃষ্টি কৰে। ৰোহিতৰ এই ধৰণৰ প্ৰহাৰ দেখি আচৰিত হ’ল আম্পায়াৰ মাৰেইছ ইৰাছমাছ।তাৰ পাছতে ৰোহিতৰ অৰ্ধ শতকৰ পিছত মাৰেইছে ৰোহিতক কিবা এটা সোধা দেখা যায়।

তাৰ পৰৱৰ্তী সময়ত হাৰ্দিক পাণ্ডিয়াৰ সৈতে হোৱা বাৰ্তালাপত ৰোহিতে ক যে, “তেনেকুৱা একো নাছিল। আম্পায়াৰে মোক সুধি আছিল যে মই কেনেকৈ ছিক্সাৰ ইমান জোৰেৰে মাৰিলোঁ। মোৰ হাতত নিশ্চয় কিবা এটা আছে। মই হাঁহি হাঁহি ক’লোঁ, বেটত একো নাই। শৰীৰৰ শক্তিৰ বাবেই ছয় মাৰিব পাৰো।"

তদুপৰি উক্ত কথোপকথনত ৰোহিতে নিজৰ ইনিংছৰ কথাও উল্লেখ কৰে। ৰোহিতে৷ মন্তব্য কৰে যে, "মই নিজৰ ধৰণেৰে শ্বট খেলিব বিচাৰিছিলো। যোৱা দুবছৰ ধৰি এনেদৰে বেটিং কৰিবলৈ চেষ্টা কৰি আহিছো। শ্বট খেলাৰ বাবেও পিট্‌চ ভাল আছিল। গতিকে তাৰ সুবিধা ল’ব বিচাৰিছিলো। শতৰাণৰ সংগ্ৰহ কৰিব নোৱাৰাৰ বাবে মনত অলপ দুখ আছে৷"