ডিজিটেল ডেস্কঃ এই বয়সতো তেওঁ চফল ডেকাৰ দৰেই দুৰন্ত হৈ আছে। অনবৰতে নিৰ্বাচনমুখী মানুহ জনে য’তেই নিৰ্বাচন অনুষ্ঠিত হৈছে তাতেই অক্লান্ত যোদ্ধাৰ দৰে জঁপিয়াই পৰিছে। দিনৰ পিছত দিন ধৰি ৰোড শ্ব’ কৰিছে। ইখনৰ পিছত সিখন জনসভাত ভাষণ দিছে। তেওঁৰ ভাষণৰ জোৰতে বহু ৰাজ্যত বৈ গৈছে মোদী ঢৌ। মোদীৰ বয়. এতিয়া প্ৰায় ৭২ বছৰ। ইমান বেছি বয়সতো ভাগৰ নলগাকৈ তেওঁ ইখনৰ পিছত সিখন ৰাজ্য ঘূৰি ফুৰিছে। কি খায় মোদীয়ে? কিহে তেওঁক ইমান শক্তি দিয়ে?
যেতিয়া বয়সক মাত্ৰ এটা সংখ্যা বুলি ধৰা হয় তেতিয়া প্ৰধানমন্ত্ৰী নৰেন্দ্ৰ মোদী হৈছে এক উদাহৰণ হৈ পৰে। মোদীৰ জন্ম হৈছিল ১৭ ছেপ্টেম্বৰত । সেই অনুসৰি তেওঁৰ বয়স এতিয়া প্ৰায় ৭২ বছৰ। মোদীয়ে ইমান ব্যস্তো নিজকে সক্ৰিয় আৰু সুস্থ কৰি ৰাখিবলৈ সক্ষম হৈছে।
নিজকে স্বাস্থ্যৱান আৰু উদ্যমী কৰি ৰাখিবলৈ তেওঁ অতি কঠোৰ আহাৰ নীতি অনুসৰণ কৰে। তেল আৰু মচলাযুক্ত খাদ্য খোৱাৰ সলনি তেওঁ সাধাৰণ গুজৰাটী খাদ্য খাবলৈ পছন্দ কৰে। আহাৰৰ ভিতৰত খিচিৰি তেওঁৰ প্ৰিয়। লগতে তেওঁৰ খাদ্য আৰু হজমৰ মাজত ভাৰসাম্য ৰক্ষা কৰিবলৈ মোদীয়ে প্ৰতিদিনে একাপকৈ দৈ খায়।
এটা সাক্ষাৎকাৰত মোদীয়ে কৈছিল "মই হিমাচল প্ৰদেশৰ পৰা অনা কাঠফুলাও খাওঁ। ই বহু গুণেৰে পৰিপূৰ্ণ," ইয়াৰ উপৰি মোডীয়ে উল্লেখ কৰা কাঠফুলাবিধৰ বৈজ্ঞানিক নাম হৈছে মেক্ৰুলা এক্সুলেণ্টা। মোদীয়ে লগতে কয় যে পৰঠা তেওঁৰ সাপ্তাহিক আহাৰৰ ভিতৰৰে এবিধ, কিয়নো ই পুষ্টিকৰ।
মোদীক যোগৰ আটাইতকৈ ডাঙৰ সমৰ্থক আৰু প্ৰবক্তা হিচাপে গণ্য কৰা হয়। তেওঁ যোগৰ এগৰাকী শক্তিশালী ভক্ত আৰু তেওঁ বিশ্বাস কৰে যে ই শাৰীৰিক আৰু মানসিক স্বাস্থ্যৰ ক্ষেত্ৰত লাভদায়ক।
তেওঁৰ দৈনন্দিন ৰুটিন অনুসৰি মোদীয়ে পুৱা ধ্যান, খোজকঢ়া আৰু যোগৰ সৈতে দিনটো আৰম্ভ কৰে। সৰল ব্যায়ামৰ লগতে তেওঁ সূৰ্য নমস্কাৰ, যোগাসন আৰু প্ৰাণায়াম অনুশীলন কৰে।
৭০ বছৰৰো অধিক বয়সৰ হোৱা স্বত্বেও মোদীয়ে উপবাসক তেওঁৰ জীৱনত যথেষ্ট গুৰুত্বপূৰ্ণ বুলি বিবেচনা কৰে। তেওঁ বিশ্বাস কৰে যে উপবাস শৰীৰটো বিশুদ্ধ কৰাৰ বাবে এটা ভাল কৌশল।
সাক্ষাৎকাৰটোত মোডীয়ে প্ৰকাশ কৰিছিল যে তেওঁ ৩৫ বছৰ ধৰি নৱৰাত্ৰিৰ সময়ত উপবাস কৰি আহিছে। আশ্চৰ্যজনকভাৱে, ২০১৪ চনত তেওঁৰ আমেৰিকা ভ্ৰমণৰ সময়তো মোদীয়ে তেওঁৰ পৰম্পৰা ভংগ কৰা নাছিল আৰু সেই সময়ত তেওঁ কেৱল নেমু পানী খাইছিল।
Continue Reading
