ভাৰত-পাকিস্তানৰ যুদ্ধ বিৰতিত তৃতীয় পক্ষৰ হাত নাই: কেন্দ্ৰীয় চৰকাৰ

ডিজিটেল ডেস্ক : ভাৰত আৰু পাকিস্তানৰ মাজত যুদ্ধ-বিৰতি কৰোৱাৰ বাবে এইবাৰ চীনে কৃতিত্ব দাবী কৰিলে। ইমানদিনে মার্কিন ৰাষ্ট্ৰপতি ড'নাল্ড ট্রাম্পে এই যুদ্ধ- বিৰতিত মূল ভূমিকা লোৱা বুলি দাবী কৰি অহাৰ পাছত এইবাৰ চীনৰ দাবীয়ে ভাৰতৰ ৰাজনৈতিক মহলত তীব্র প্রতিক্ৰিয়াৰ সৃষ্টি কৰিছে।

চীনৰ বিদেশ মন্ত্রী বাং য়িয়ে মঙলবাৰে প্রকাশ কৰে যে ২০২৫ বৰ্ষত চীনে মধ্যস্থতা কৰা গুৰুত্বপূৰ্ণ বিষয়বোৰৰ ভিতৰত অন্যতম হৈছে ভাৰত-পাকিস্তানৰ মাজৰ যুদ্ধ। চীনৰ মধ্যস্থতাতে এই যুদ্ধ বন্ধ হোৱা বুলি য়িয়ে দাবী কৰে।

ইফালে কেন্দ্ৰীয় চৰকাৰে চীনৰ এই দাবী পোনছাটেই নস্যাৎ কৰিছে। কেন্দ্ৰীয় চৰকাৰৰ এটা সূত্ৰই প্ৰকাশ কৰিছে যে 'অপাৰেশ্যন সেন্দূৰ'ৰ সময়ত পাকিস্তানৰ ফালৰ পৰা যুদ্ধ-বিৰতি বিচাৰিছিল, গতিকে ভাৰতে যুদ্ধ বন্ধ কৰিবলৈ সন্মত হৈছিল। ইয়াত তৃতীয় পক্ষৰ মধ্যস্থতা নাই।

উৎসঃ দৈনিক জনমভূমি