ডিজিটেল ডেস্কঃ অসমীয়া সমাজত এক জনপ্ৰিয় তথা স্বাস্থ্য লাভকাৰী পাচলি হৈছে উৰহী (Indian Bean)। উৰহী সৰহকৈ তেলত ভাজি খাবলৈ বৰ ভাল। বহুতে বইল কৰিও খায় আৰু লাবৰা ভাজিতো উৰহী ব্যৱহাৰ হয়। দাইলত দিও উৰহী খায়। পৃথিৱীৰ বিভিন্ন দেশত উৰহী বা বীণ জাতীয় পাচলিৰ মুঠতে ১৫০ টা প্ৰজাতি আছে আৰু এইবোৰৰ নামবোৰ ভিন্ ভিন্ হ’লেও ইহঁতৰ উপকাৰিতা গুণবোৰ একেই ধৰণৰ।
এই উৰহী বা বীণ জাতীয় পাচলিবোৰ হৈছে-প্ৰ’টিনৰ উৎস। তদুপৰি এইবিধ পাচলিত থাকে-ভিটামিন এ, ভিটামিন চি, ফ’লেট্ ফাইবাৰ বা আঁহ, এণ্টিঅক্সিডেণ্ট। উৰহীত আছে নানা তৰহৰ উপকাৰী খনিজ দ্ৰব্য, যেনে-কেলচিয়াম, আইৰণ (লো), পটাচিয়াম ফচফৰাচ, মেগনেছিয়াম, ছ’ডিয়াম, জিংক আদি। এনে পুষ্টিৰে ভৰপূৰ এই খাদ্যবোৰে বিভিন্ন শাৰীৰিক সমস্যা বা ৰোগ দূৰত ৰখাত সহায় কৰে।
আহকচোন জানো উৰহীৰ উপকাৰিতাৰ বিষয়ে-
১)প্ৰ’টিনৰ উৎসস্বৰূপ উৰহীত আছে ভিটামিন চি, ভিটামিন চিয়ে শৰীৰৰ প্ৰতিৰোধ শক্তিৰ (ইমিউন ছিষ্টেম) বৃদ্ধি কৰে।
২) সাধাৰণ পানীলগা, কফ, এজমা (হাঁপানী) আদি ৰোগক প্ৰতিৰোধ কৰাৰ ক্ষেত্ৰতো উৰহীয়ে সহায় কৰে।
৩)শিশুৰ শৰীৰত উৰহীয়ে এণ্টিঅক্সিডেণ্ট হিচাপেও কাম কৰে।
৪) মগজুৰ বাবে ভাল।
৫)উৰহীত থকা এণ্টিঅক্সিডেণ্টবোৰে মুক্ত ৰেডিকেলৰ দ্বাৰা হোৱা ক্ষতি প্ৰতিহত কৰে আৰু বয়স বৃদ্ধি প্ৰক্ৰিয়া, নিউৰো-ডিজেনাৰেটিভ ৰোগ আৰু কৰ্কট ৰোগ প্ৰতিৰোধ কৰে।
৬)উৰহীত থকা চেলেনিয়াম, মেঙ্গানিজ আৰু জিংকৰ দৰে খনিজ পদাৰ্থই হাঁওফাঁওৰ বিকাৰ থকা লোকসকলৰ ক্ষেত্ৰত উপকাৰ সাধে।
৪) হৃদৰোগ প্ৰতিৰোধ কৰাত সহায় কৰে কিয়নো ই স্বাস্থ্যকৰ ভেণ্ট্ৰিকুলাৰকাৰ্য বজাই ৰাখে আৰু হৃদযন্ত্ৰৰ বিফলতাৰ চিকিৎসাও কৰে।
৫) অনিদ্ৰাৰ সমস্যা দূৰ কৰে।
৬) হজমী শক্তি বৃদ্ধি কৰে। উৰহীত থকা আঁহে হজমত এক গুৰুত্বপূৰ্ণ ভূমিকা পালন কৰে।
৭) শৌচৰ প্ৰক্ৰিয়া সুস্থ কৰে আৰু শৰীৰৰ পৰা আৱৰ্জনা নিৰ্গত কৰাত সহায় কৰে।
৮) শৰীৰত শক্তিৰ যোগান ধৰে। ই শৰীৰক পুষ্টি শোষণ কৰাত আৰু খাদ্যৰ পৰা প্ৰ’টিন হজম কৰাত সহায় কৰে। লোৰ নিম্ন উপস্থিতিৰ ফলত এই প্ৰক্ৰিয়া লেহেম হয়, সক্ৰিয় হোৱাত সমস্যা হয় আৰু অৱসাদ সৃষ্টি হয়। এনেদৰে উৰহীৰ সেৱনে শৰীৰত শক্তিৰ যোগান ধৰে।
৯)উৰহীত পৰ্যাপ্ত পৰিমাণৰ পটাছিয়াম থাকে যিয়ে পেশীৰ সংকোচন হ্ৰাস কৰে আৰু পেশীৰ শক্তি উন্নত কৰে।
১০)দাঁতৰ আলুৰ বাবে ভাল। উৰহীত থকা ভিটামিন আৰু খনিজ পদাৰ্থই দাঁতৰ ক্ষয় নিৰাময় কৰাত সহায় কৰে।
১১) মানুহৰ মন মেজাজ উন্নত কৰে। উৰহীত থকা প্ৰ’টিনে গ্লুকোজ সন্তুলিত কৰে আৰু ৰক্ত শৰ্কৰাৰ স্তৰৰ তাৰতম্যৰ সৈতে সম্পৰ্কিত খিংখিঙীয়া, মেজাজৰ সম্ভাৱনা প্ৰতিহত কৰে।
আহক আমি আমাৰ খাদ্য তালিকাত উৰহীক স্থান দিওঁ আৰু সুস্বাস্থ্যৱান হৈ থাকো।
Continue Reading
