ডিজিটেল ডেস্ক: NDA সমৰ্থিত প্রার্থী, পৰিবহন মন্ত্রী চৰণ বড়োৰ দুর্গত কঁপনি তুলি ঝাৰখণ্ড মুক্তি মৰ্চা দলৰ মনোনীত আৰু জয় ভাৰত পার্টিৰ সমর্থিত প্রার্থী প্রীতিৰেখা বার্লাৰ হৈ মাজবাটত প্রচাৰ চলায় ঝাৰখণ্ডৰ মুখ্যমন্ত্রী হেমন্ত সোৰেনে।
আদিবাসীৰ মহানায়ক প্রদীপ নাগৰ পত্নী প্রীতিৰেখা বার্লা এইবাৰ মাজবাট সমষ্টিৰ জয় ভাৰত পার্টি সমর্থিত আৰু ঝাৰখণ্ড মুক্তি মৰ্চাৰ সমর্থিত প্রার্থী। এতিয়াৰে পৰা ঝাৰখণ্ড মুক্তি মর্চাৰ সহায়ত অসমত অধিকাৰৰ এক নতুন যুদ্ধ আৰম্ভ হ’ব বুলি মন্তব্য নেতাগৰাকীৰ। আদিবাসী সমাজ একত্রিত হ’লে চৰকাৰক আমি উঠাবহা কৰাব পাৰিম বুলি মন্তব্য হেমন্ত সোৰেনৰ।
আনহাতে বিজেপি চৰকাৰক ভাষণ প্ৰসংগত বেপাৰীৰ দল আখ্যা হেমন্ত সোৰেনৰ। যি দেশৰ ৰজা বেপাৰী সেই দেশত উন্নয়ন অসম্ভৱ বুলি মন্তব্য নেতাগৰাকীৰ।
JMMক ভোট দিলে প্রতিজন শ্ৰমিকৰ দৰমহা মাহিলী ১৫ হাজাৰ কৰাৰ প্রতিশ্রুতি ঝাৰখণ্ডৰ মুখ্যমন্ত্ৰীগৰাকীৰ। প্রার্থী প্রীতিৰেখা বাৰ্লাই কয় যে, মাজবাটৰ ৰাইজে এইবাৰ অন্যায়ৰ বিৰুদ্ধে একপক্ষীয়ভাৱে ‘ধনু কাঁড়’ৰ ছবিত ভোটদান কৰিব।
বিৰোধীয়ে ভোট বিভাজনৰ অপচেষ্টা কৰিলেও আদিবাসীৰ ৯০% ভোট ‘ধনু কাঁড়’ৰ ছবিত পৰিব বুলি মন্তব্য নেত্রীগৰাকীৰ।
Continue Reading
