বলীউডৰ প্ৰবীণ অভিনেতা জিতেন্দ্ৰৰ পুনৰ বিবাহক লৈ সৰৱ চৰ্চা। সন্তান আৰু নাতিৰ সন্মুখতে দ্বিতীয়বাৰলৈ বিয়া পাতিলে জিতেন্দ্ৰই। ৫০ বছৰ আগতে অৰ্থাৎ ১৯৭৪ চনত বলীউডৰ কিংবদন্তি

Listen to Article

2 min read

80%

ডিজিটেল ডেস্কঃ বলীউডৰ প্ৰবীণ অভিনেতা জিতেন্দ্ৰৰ পুনৰ বিবাহক লৈ সৰৱ চৰ্চা। সন্তান আৰু নাতিৰ সন্মুখতে দ্বিতীয়বাৰলৈ বিয়া পাতিলে জিতেন্দ্ৰই। ৫০ বছৰ আগতে অৰ্থাৎ ১৯৭৪ চনত বলীউডৰ কিংবদন্তি অভিনেতা জিতেন্দ্ৰই শোভা কাপুৰৰ সৈতে বিবাহপাশত আবদ্ধ হৈছিল। এইবাৰ বিবাহৰ সোণালী জয়ন্তীৰ বিশেষ উপলক্ষে জিতেন্দ্ৰ আৰু শোভাই আকৌ এবাৰ বিয়া পাতিছে।

একতা কাপুৰ আৰু তুষাৰ কাপুৰে তেওঁলোকৰ ৫০ বছৰীয়া বিবাহ বাৰ্ষিকী উপলক্ষে আকৌ এবাৰ বিয়া হোৱাৰ ধাৰণাটো পিতৃ-মাতৃক দিছিল আৰু তাৰপাছতসমগ্ৰ মনোৰঞ্জন উদ্যোগটোৱে এই উদযাপনত যোগদান কৰিছিল। মেহেন্দী, সংগীত আৰু বৰমালাৰ দৰে ৰীতি-নীতিৰে আকৌ এবাৰ জিতেন্দ্ৰই শোভা কাপুৰক নিজৰ কৰি তুলিলে।

জীৱনত দ্বিতীয়বাৰৰ বাবে অহা এই বিশেষ অনুষ্ঠানত তেওঁলোকৰ বন্ধু অনিল কাপুৰ, ৰাকেশ ৰোশন আৰু প্ৰেম চোপ্ৰাও উপস্থিত হৈ জিতেন্দ্ৰ আৰু শোভা কাপুৰৰ সুখত যোগদান কৰে। জিতেন্দ্ৰ-শোভা কাপুৰৰ এই বিশেষ দিনটোত কেৱল বলীউডেই নহয়, ৰুচিকা কাপুৰ, অনিতা হাছানন্দনী, ক্ৰীষ্টল ডিছৌজা, নীলম কোথাৰী, ৰিদ্ধি ডোগ্ৰা, সমীৰ ছোনীকে ধৰি টিভি উদ্যোগৰ বহু তাৰকাই অংশগ্ৰহণ কৰে।