ডিজিটেল ডেস্কঃ ৰে’লৱে ট্ৰেকত জুই লগা কেতিয়াবা দেখিছেনে আপুনি? নাই দেখা নিশ্চয়! পিছে সময়ৰ লগে লগে এতিয়া এই প্ৰশ্নৰ উত্তৰ এতিয়া সলনি হৈছে। দৰাচলতে লণ্ডনৰ এখন দলঙত ৰে’লৰ ট্ৰেকত জুই লগা ঘটনাক কেন্দ্ৰ কৰি বিৰাজ কৰিছে কৌতুহলে। চহৰখনত ক্ৰমাত্ বৃদ্ধি পোৱা উষ্ণতাৰ মাজতে এটা স্ফুলিংগৰ পৰাই অগ্নিৰ সূত্ৰপাত হয়।
ব্ৰিটেইনৰ ক্ৰমবৰ্ধমান উষ্ণতাৰ বাবে ৰে’লৱে ট্ৰেকো এতিয়া জুইত জাহ গৈছে। দক্ষিণ লণ্ডনৰ বেটাৰছিত ভিক্টোৰিয়া আৰু ব্রিক্সটনৰ মাজৰ এখন দলঙত অগ্নিকাণ্ডৰ পাছত ৰে’ল সেৱা বন্ধ কৰিবলগীয়া হয়৷
যাত্ৰীসকলক লণ্ডন বাছত টিকট ব্যৱহাৰ কৰিবলৈও পৰামৰ্শ দিয়া হয়। সেৱা প্ৰদানকাৰীয়ে ব্ৰমলি চাউথ লাইনৰ ষ্টেচনসমূহৰ বাবে বিকল্প বাছ পথ ঘোষণা কৰিছিল। ট্ৰেকৰ উচ্চ উষ্ণতাৰ বাবে ৰে’লসমূহ লেহেমীয়াকৈ চলাবলগীয়া হ’ব পাৰে বুলিও জনায় উৰ্ধতন কৰ্তৃপক্ষই।
বিবিচিৰ তথ্য অনুসৰি যুক্তৰাজ্যত বৰ্তমান তাপমাত্ৰা ৩৪ ডিগ্ৰী চেলছিয়াছ। বতৰ বিজ্ঞান বিভাগে সতৰ্কবাণী জাৰী কৰাৰ লগতে ৰাইজক গৰমৰ বাবে সম্ভাৱ্য স্বাস্থ্য আৰু পৰিবহণ সম্পৰ্কীয় সমস্যাৰ বিষয়ে সতৰ্ক কৰি দিছে।
Continue Reading
