কাৰাগাৰতে থাকিব অশীতিপৰ ষ্টেন স্বামী, জামিন আৱেদন নাকচ

মুম্বাই : পুনৰ জামিন আৱেদন নাকচ হৈছে অশীতিপৰ সমাজকৰ্মী ষ্টেন স্বামীৰ। এলগাৰ পাৰিষদ-মাওবাদীৰে সম্পৰ্ক থকাৰ গোচৰত কাৰাবন্দী হৈ থকা ৮৩ বছৰীয়া আদিবাসী অধিকাৰ কৰ্মীগৰাকীয়ে জনোৱা জামিনৰ আৱেদন আজি পুনৰ নাকচ হয়। অতিৰিক্ত সত্ৰ ন্যায়াধীশ ডি ই কোথালিকাৰে তেওঁৰ জামিন আৱেদন নাকচ কৰে। ষ্টেন স্বামীয়ে স্বাস্থ্যজনিত আৰু অন্যান্য কাৰণত জামিন বিচাৰিছিল।

আৰু পঢ়িব পাৰিব : ‘জনতা কাৰ্ফিউ’ৰ বৰ্ষপূৰ্তি : থালি লৈ ওলাই আহিছিল কৰ’নাক খেদিবলৈ !

এগৰাকী খ্ৰীষ্টান ধৰ্মযাজক তথা সমাজকৰ্মী ষ্টেন স্বামীক ২০২০চনৰ অক্টোবৰ মাহত গ্ৰেপ্তাৰ কৰিছিল ৰাষ্ট্ৰীয় অনুসন্ধানকাৰী সংস্থা চমুকৈ ‘নিয়া’ই। তেতিয়াৰেপৰা তেওঁ নৱী মুম্বাইৰ তালোজা কাৰাগাৰত কাৰাবন্দী হৈ আছে। তেওঁৰ অধিবক্তাই প্ৰকাশ কৰা মতে তেওঁৰ পাৰ্কিনছন ৰোগ আছে আৰু এতিয়া তেওঁ দুয়োখন কাণেৰে শুনাৰ শক্তি হেৰুৱাই পেলাইছে। আন ভালেমান ৰোগতো বয়োজ্যেষ্ঠ কাৰাবন্দীগৰাকী আক্ৰান্ত হৈ আছে।

আৰু পঢ়িব পাৰিব : “মহাভাৰততো মামা আছিল, অসমতো মামা আছে” – প্ৰিয়ংকাৰ কটাক্ষ !

নিয়াই তেওঁৰ জামিন আৱেদনৰ বিৰোধিতা কৰি কয় যে, ষ্টেন স্বামী ‘বিস্তাপন বিৰোধী জন বিকাশ আন্দোলন’ আৰু ‘পিপুলছ ইউনিয়ন ফৰ চিভিল লিবাৰ্টীজ’ৰ দৰে সংস্থাৰ ঘোৰ সমৰ্থক। এই সংগঠনবোৰ হৈছে মাওবাদী (চিপিআই-মাওবাদী)ৰ সন্মুখৰ চেহেৰা। ইফালে, তেওঁৰ অধিবক্তাই দাবী কৰিছে যে, ‘নিয়া’ই এলগাৰ-পাৰিষদ মাওবাদীৰে সম্পৰ্কৰ গোচৰক প্ৰমাণ কৰিব পৰা নাই।