ডিজিটেল ডেস্কঃ ভাৰতীয় ক্ৰিকেট দলৰ খেলুৱৈ কে এল ৰাহুলৰ অনুৰাগীৰ বাবে ভাল খবৰ। এক প্ৰতিবেদন অনুসৰি ২০২৩ চনৰ এছিয়া কাপৰ বাবে ৰাহুল সম্পূৰ্ণ ফিট হৈ পৰিছে। শীঘ্ৰে টিম ইণ্ডিয়ালৈ ৰাহুল ঘূৰি আহিব পাৰে। ২০২৩ চনৰ আই পি এলৰ সময়ত আঘাতপ্ৰাপ্ত হৈছিল ৰাহুল। এই কাৰণতে তেওঁ দীৰ্ঘদিন ধৰি ক্ৰিকেটৰ পৰা আঁতৰি আছে। কিন্তু ৰাহুলে অনুশীলন আৰম্ভ কৰিছে। বেটিঙৰ সমান্তৰালকৈ তেওঁ নেটত উইকেটকিপিঙো কৰি আছে। ৰাহুল ৰাষ্ট্ৰীয় ক্ৰিকেট একাডেমীত আছে আৰু প্ৰত্যাৱৰ্তন কৰিবলৈ সাজু হৈছে।
‘টাইমছ অৱ ইণ্ডিয়া’ৰ এক খবৰ অনুসৰি ৰাহুল সম্পূৰ্ণ ফিট হৈ পৰিছে। ৰাহুল শীঘ্ৰে টিম ইণ্ডিয়ালৈ ঘূৰি আহিব পাৰে। বিগত কিছুদিন ধৰি ছ’চিয়েল মিডিয়াৰ জৰিয়তে ৰাহুলে ফিটনেছ আপডেট শ্বেয়াৰ কৰি আহিছে। তেওঁ উইকেটকীপিং আৰু বেটিং দুয়োটাতে মনোনিৱেশ কৰিছে। বাংগালুৰুত অৱস্থিত ৰাষ্ট্ৰীয় ক্ৰিকেট একাডেমীৰ কৰ্মচাৰীয়ে ৰাহুলৰ যত্ন লৈছে। তেওঁৰ আৰোগ্যৰ বাবে বহু কাম কৰা হৈছে। শেহতীয়াকৈ ছ’চিয়েল মিডিয়াত ৰাহুলৰ এইসমূহৰ বহু ভিডিঅ’ পোহৰলৈ আহিছে।
উল্লেখ্য যে, ইণ্ডিয়ান প্ৰিমিয়াৰ লীগ ২০২৩ৰ এখন খেলৰ সময়ত আঘাতপ্ৰাপ্ত হৈছিল ৰাহুল। ফিল্ডিঙৰ সময়ত গুৰুতৰভাৱে আঘাতপ্ৰাপ্ত হৈছিল তেওঁ। ইয়াৰ পাছত ৰাহুলে অস্ত্ৰোপচাৰ সম্পন্ন কৰে।
Continue Reading
