ডিজিটেল ডেস্কঃ কেটৰিনা কাইফে বলীউড উদ্যোগত প্ৰায় দুটা দশক সম্পূৰ্ণ কৰিলে। ২০০৫ চনত কেটৰিনাই ‘মেনে প্যাৰ কিউ কিয়া’ চিনেমাত অভিনয় কৰি সকলোৰে দৃষ্টি আকৰ্ষণ কৰিছিল। কেটৰিনাই নিজৰ কঠোৰ পৰিশ্ৰম আৰু প্ৰতিভাৰে বলীউডত নিজৰ কেৰিয়াৰ গঢ়ি তুলিছিল। ‘ৱেলকাম’, ‘পাৰ্টনাৰ’, ‘নিউয়ৰ্ক’, ‘এক থা টাইগাৰ’ কেটৰিনাৰ কেৰিয়াৰত ব্যৱসায়িকভাৱে সফল ছবিৰ উদাহৰণ। ইতিমধ্যে পাৰিশ্ৰমিকৰ ক্ষেত্ৰত কেটৰিনাই বহুত বলীউডী অভিনেত্ৰীকো অতিক্ৰম কৰিছে।
প্ৰাপ্ত তথ্যনুসৰি কেটৰিনাৰ মুঠ সম্পত্তি ২২৪ কোটি টকা। কেটৰিনাৰ বছৰেকীয়া উপাৰ্জনৰ সিংহভাগেই আহে চিনেমাৰ পৰা। কিন্তু সেয়া একমাত্ৰ উৎস নহয়। অভিনয়ৰ উপৰিও কেটৰিনাই আন বহু কামৰ লগত জড়িত। য’ৰ পৰাও কেটৰিনাই টকা উপাৰ্জন কৰে।
কেটৰিনাৰ প্ৰসাধন সামগ্ৰী কোম্পানী ‘কে বিউটি’ৰ বিষয়ে বহুজন জ্ঞাত। এই কোম্পানীটোৱে প্ৰথমবাৰৰ বাবে ২০১৯ চনত বজাৰত প্ৰৱেশ কৰিছিল। ২০২২ চনৰ এক প্ৰতিবেদন অনুসৰি এই কোম্পানীয়ে মাত্ৰ তিনি বছৰত ১০০ কোটি টকা সংগ্ৰহ কৰিছে। শেহতীয়াকৈ নিজৰ কোম্পানীটোৰ বাহিৰে আন এটা কোম্পানীত কেটৰিনাই বিনিয়োগ কৰিছে। তাৰ পৰাই প্ৰতি বছৰে বৃহৎ পৰিমাণৰ ধন বেংকত জমা হয়। ইয়াৰ উপৰিও কেটৰিনাই আন কোম্পানীৰ হৈ ইনষ্টাগ্ৰামতো প্ৰচাৰ কৰিছিল। সূত্ৰ অনুসৰি কেটৰিনাই প্ৰচাৰমূলক কামৰ বাবে ৮০ লাখৰ পৰা ১ কোটি টকাৰ মাচুল লয়। কেটৰিনা কাইফে কেইবাটাও বৃহৎ কোম্পানীৰ ব্ৰেণ্ড এম্বেছাদৰ হিচাপে কাম কৰে। প্ৰতিটো কোম্পানীৰ পৰা বছৰি ৬ৰ পৰা ৭ কোটি টকা কেটৰিনাই লাভ কৰে।
Continue Reading
