কৰ'নাৰ কালৰূপ : শুকুৰবাৰে নতুনকৈ ক'ভিডত আক্ৰান্ত ৩ লক্ষাধিক লোক

গুৱাহাটী : দেশত ভয়াৱহ ৰূপ ধাৰণ কৰিছে কৰ’না মহামাৰীয়ে৷ শুকুৰবাৰে নতুনকৈ ক'ভিডত আক্ৰান্ত হয় ৩ লক্ষাধিক লোক৷ আক্ৰান্ত হৈছে ৩ লাখ ৩২ হাজাৰ ৭৩০জন লোক৷ কালি মৃত্যু ঘটিছে ২,২৬৩ জন ক'ভিড ৰোগীৰ৷

আৰু পঢ়িব পাৰিব:ক’ভিডসৃষ্ট পৰিস্থিতিৰ সন্দৰ্ভত হিমন্ত বিশ্বৰ মন্তব্য! সাজু হ’ব ১,০৫০খন বিচনা

৩ দিনত ভাৰতত আক্ৰান্তৰ সংখ্যাই ৯ লক্ষাধিক অতিক্ৰম কৰিছে৷ বিশ্বৰ ভিতৰত ভাৰততে ক'ভিড পৰিস্থিতি শোচনীয়৷ দিল্লী, মুম্বাইৰ পাছত বাংগালুৰু কৰ’নাৰ নতুন হটস্পট হিচাপে চিহ্নিত হৈছে। ৰাজ্যতো প্ৰতিদিনে বৃদ্ধি পাইছে কৰ’না আক্ৰান্তৰ সংখ্যা৷২৪ ঘণ্টাৰ ভিতৰত আক্ৰান্ত ২,৩৮৪জন৷

আৰু পঢ়িব পাৰিব: ক’ভিডসৃষ্ট পৰিস্থিতিৰ সন্দৰ্ভত হিমন্ত বিশ্বৰ মন্তব্য! সাজু হ’ব ১,০৫০খন বিচনা

কামৰূপ মহানগৰ জিলাতে আক্ৰান্ত হয় ৮৮৩গৰাকী৷ কামৰূপ (গ্ৰাম্য)ত ১৫৯, ডিব্ৰুগড়ত ১৫৪জন আক্ৰান্ত হোৱাৰ লগতে নগাঁৱত আক্ৰান্ত হয় ১০০জন লোক৷ আনহাতে কালিৰ দিনটোত ৰাজ্যত মৃত্যু ঘটিছে ১২জন ক'ভিড ৰোগীৰ৷