নিৰ্বাচনী প্ৰতিশ্ৰুতি মতে কথা ৰাখিলে কংগ্ৰেছে৷কৰ্ণাটকৰ মুখ্যমন্ত্ৰী ছিদ্দাৰামায়াই কয় যে নিৰ্বাচনৰ সময়ত আৰু পূৰ্বে কংগ্ৰেছে দিয়া পাঁচটা প্ৰতিশ্ৰুতি (৫টা নিশ্চয়তা) এই বিত্তীয় বৰ্ষত কাৰ্যকৰী হ’ব। তেওঁ কয়, ‘আজি আমাৰ কেবিনেট বৈঠক হৈছিল। ৫ টা প্ৰতিশ্ৰুতিৰ

Listen to Article

2 min read

80%

ডিজিটেল ডেস্কঃ নিৰ্বাচনী প্ৰতিশ্ৰুতি মতে কথা ৰাখিলে কংগ্ৰেছে৷কৰ্ণাটকৰ মুখ্যমন্ত্ৰী ছিদ্দাৰামায়াই কয় যে নিৰ্বাচনৰ সময়ত আৰু পূৰ্বে কংগ্ৰেছে দিয়া পাঁচটা প্ৰতিশ্ৰুতি (৫টা নিশ্চয়তা) এই বিত্তীয় বৰ্ষত কাৰ্যকৰী হ’ব। তেওঁ কয়, ‘আজি আমাৰ কেবিনেট বৈঠক হৈছিল। ৫ টা প্ৰতিশ্ৰুতিৰ সকলোবোৰৰ ওপৰত গভীৰভাৱে আলোচনা কৰিলোঁ। আমি সিদ্ধান্ত লৈছো যে চলিত বিত্তীয় বৰ্ষত পাঁচোটা নিশ্চয়তা কাৰ্যকৰী কৰা হ’ব।'

মুখ্যমন্ত্ৰী ছিদ্দাৰামায়াই কয় যে, ‘আমাৰ সভাপতি ডি কে শিৱকুমাৰ আৰু মই নিশ্চয়তা কাৰ্ডত স্বাক্ষৰ কৰি প্ৰতিশ্ৰুতি দিলোঁ যে আমি সকলো প্ৰতিশ্ৰুতি কাৰ্যকৰী কৰি ৰাইজৰ মাজলৈ যোৱাটো নিশ্চিত কৰিম। আমি গেৰাণ্টী কাৰ্ডো বিতৰণ কৰিলোঁ।'

মুখ্যমন্ত্ৰীয়ে কয় যে, "১ জুলাইৰ পৰা (প্ৰায় ২০০ ইউনিট বিনামূলীয়া বিদ্যুতৰ নিশ্চয়তা) ৰূপায়ণ আৰম্ভ হ'ব। ২০০ ইউনিট বিদ্যুৎ বিনামূলীয়া হ’ব। যিসকল গ্ৰাহকে জুলাই মাহলৈকে বিল পৰিশোধ কৰা নাই, তেওঁলোকে ধন দিব লাগিব।"

ছিদ্দাৰামায়াই কয় যে, "অন্ন ভাগ্য যোজনাৰ অধীনত ১ জুলাইৰ পৰা সকলো বিপিএল পৰিয়াল, অন্ত্যোদয় কাৰ্ডধাৰীক ১০ কেজি খাদ্য শস্য বিনামূলীয়াকৈ দিয়া হ'ব।"অহা ১৫ আগষ্টৰ পৰা সাহায্য আৰম্ভ হ'ব কোনো জাতি বা ধৰ্মৰ বৈষম্য নোহোৱাকৈ পাঁচটা নিশ্চয়তা ফলপ্ৰসূ কৰিব৷

কংগ্ৰেছে বিধানসভা নিৰ্বাচনৰ পূৰ্বে এই পাঁচটা প্ৰতিশ্ৰুতি দিছিল-

১/প্ৰতিঘৰলৈ ২০০ ইউনিট বিনামূলীয়া বিদ্যুৎ (গৃহ জ্যোতি যোজনা)

২/প্ৰতিটো পৰিয়ালৰ মহিলা মুৰব্বীলৈ দুহাজাৰ টকাৰ মাহিলী সাহায্য (গৃহ লক্ষ্মী যোজনা)

৩/দৰিদ্ৰ সীমাৰেখাৰ তলত বসবাস কৰা পৰিয়ালৰ প্ৰতিজন সদস্যলৈ প্ৰতিমাহে ১০ কেজি বিনামূলীয়া চাউল (অন্ন ভাগ্য যোজনা)

৪/নিবনুৱা স্নাতকক প্ৰতিমাহে ৩০০০ টকা আৰু ডিপ্লমাধাৰী (যুৱ নিধি যোজনা)ক দুবছৰৰ বাবে ১৫০০ টকা।

৫/ৰাজহুৱা বাছত মহিলাসকলৰ বাবে বিনামূলীয়া ভ্ৰমণৰ সুবিধা (শক্তি যোজনা) উল্লেখ আছে।