ডিজিটেল ডেস্কঃ ৰাজস্থানত দীৰ্ঘদিন ধৰি মুখ্যমন্ত্ৰী অশোক গেহলট আৰু শচীন পাইলটৰ মাজত চলি থকা ৰাজনৈতিক যুদ্ধৰ অন্ত পেলাবলৈ প্ৰস্তুতি চলোৱা হৈছে। দলৰ হাইকমাণ্ডে এতিয়া ৰাষ্ট্ৰীয় নেতৃত্বত পাইলটক সক্ৰিয় কৰাৰ প্ৰস্তুতি চলাইছে। দৈনিক ভাস্কৰত প্ৰকাশিত এক প্ৰতিবেদন অনুসৰি মল্লিকাৰ্জুন খৰ্গেই শচীন পাইলটক ৰাষ্ট্ৰীয় সাধাৰণ সম্পাদক হিচাপে নিযুক্তি দিয়াৰ সিদ্ধান্ত লৈছে।
শচীন পাইলটক ৰাষ্ট্ৰীয় সাধাৰণ সম্পাদকৰ দায়িত্ব দিয়াৰ পাছত এখন ডাঙৰ ৰাজ্যৰ প্ৰভাৰী দিয়াৰ সম্ভাৱনা আছে। ৰাজস্থানত পাইলটৰ প্ৰত্যক্ষ ভূমিকা নাথাকিব যদিও পাইলটৰ প্ৰভাৱ থকা আসনত প্ৰচাৰৰ বাবে তেওঁক দলে ব্যৱহাৰ কৰিব পাৰে।
ৰাহুল গান্ধীকে ধৰি দলটোৰ আন আন নেতাসকলৰ মতে যুঁজৰ মাজতে সেনাপতি সলনি কৰিব নোৱাৰি। এনে পৰিস্থিতিত স্পষ্ট হৈ পৰিছে যে মধ্যপ্ৰদেশত অশোক গেহলটৰ নেতৃত্বত নিৰ্বাচন অনুষ্ঠিত হ’ব। কংগ্ৰেছ পক্ষৰ পৰা নিৰ্বাচনত কোনো মুখ নাথাকিলেও মুখ্যমন্ত্ৰী হৈ থকাৰ সময়ত অঘোষিতভাৱে কংগ্ৰেছৰ মুখ হ’ব গেহলট।
উল্লেখযোগ্য যে, ৰাজস্থানৰ নিৰ্বাচনত পাইলটৰ পোনপটীয়াকৈ কোনো দায়িত্ব নাথাকিব, কিন্তু টিকট বিতৰণৰ সময়ত তেওঁৰ মতামতক গুৰুত্ব দিয়া হ’ব। টিকট বিতৰণৰ সময়ত পাইলট সমৰ্থকক সালসলনি কৰা হ’ব।পাইলটৰ প্ৰভাৱ থকা আসনত তেওঁলোকৰ সন্মতি সাপেক্ষেহে টিকট দিয়া হ’ব। মধ্যপ্ৰদেশৰ ৪০ৰ পৰা ৪৫খন আসনত পাইলটৰ প্ৰভাৱ বিবেচিত হৈছে।
Continue Reading
