ডিজিটেল ডেস্কঃ ইংলেণ্ডৰ ক্ৰিকেটাৰ ডেনিয়েল ৱায়াটে শেহতীয়াকৈ এটা ইনষ্টাগ্ৰাম ষ্ট’ৰী শ্বেয়াৰ কৰিছে। অৰ্জুন টেণ্ডুলকাৰৰ সৈতে ৰেষ্টুৰেণ্ট এখনত মধুৰ সময় অতিবাহিত কৰা দেখা গৈছে দুয়োকে। আৰু এই ছবিখনে এতিয়া ভাইৰেল হৈ পৰিছে ছ’চিয়েল মিডিয়াত।
মন কৰিবলগীয়া যে, শচীন পুত্ৰ এই মুহূৰ্তত ইংলেণ্ডত আছে। ডেনিয়েল তেওঁৰ বেষ্ট ফ্ৰেণ্ড। ক্ৰিকেটাৰ দুগৰাকীৰ মাজত আছে সৌহাৰ্দপূৰ্ণ সম্পৰ্ক। পূৰ্বেও বহুসময়ত অৰ্জুন আৰু ডেনিয়েলেক এনেদৰে দেখা গৈছে। ২০০৯ চনত প্ৰথম সাক্ষাত হৈছিল দুয়োৰে। ডেনিয়েল কেৱল ভাল ক্ৰিকেট খেলাৰ বাবেই নহয়, ভাৰতীয় ক্ৰিকেটাৰৰ সৈতে তেওঁৰ সম্পৰ্কৰ বাবেও বাতৰিৰ শিৰোনামত অহা দেখা যায়। ২০১৪ চনত ডেনিয়েলেও ৰাজহুৱাভাৱে কোহলীক বিবাহৰ প্ৰস্তাৱ দিছিল।
আনহাতে, বিগত আইপিএলৰ নিলামত মুম্বাই ইণ্ডিয়ানছে ২০ লাখ টকাত অৰ্জুনক ক্ৰয় কৰিছিল। কিন্তু আঘাতৰ বাবে ২২ বছৰীয়া ক্ৰিকেটাৰগৰাকীয়ে মুম্বাইৰ হৈ এখনো মেচ খেলিব নোৱাৰিলে। ৪৮ কোটি টকাত নিলাম কৰাৰ পিছত মুম্বাইয়ে পুনৰ ৩০ লাখ টকাত ক্ৰয় কৰিছিল অৰ্জুনক। কিন্তু অৰ্জুনে এই ছিজনতো মূল একাদশত দেখিবলৈ পোৱা নগ’ল। শেহতীয়াকৈ এই কথাষাৰো বহুলভাৱে চৰ্চিত হৈ পৰিছে।
Continue Reading
