ডিজিটেল ডেস্ক: গাজা-ইজৰাইলৰ সংঘাত অজিৰ সংঘাত নহয়। গাজা- ইজৰাইলৰ মাজৰ সংঘৰ্ষ দীৰ্ঘদিনীয়া এক জটিল সংঘৰ্ষ, যাৰ অন্তৰালত আছে ক্ষেত্ৰীয়, ধৰ্মীয় আৰু ৰাজনৈতিক কাৰক। এনেধৰণৰ হিংসাত্মক সংঘাত ২০০৮-০৯, ২০১২, ২০১৪ , ২০২১ চনত গা কৰি উঠা পৰিলক্ষিত হৈছিল। শেহতীয়াকৈ ২০২৩ চনৰ শেষৰ ফালে আৰু অতি সাম্প্ৰতি গজা ইজৰাইলৰ সংঘৰ্ষই জোঁকাৰি গৈছে সমগ্ৰ বিশ্ব।
ইহুদী ৰাষ্ট্ৰখনে আমেৰিকা, কাটাৰ আৰু ইজিপ্তৰ মধ্যস্থতাত, ১৫ আগষ্টত ডোহা বা কায়ৰোত অনুষ্ঠিত হ’ব লগা গাজা যুদ্ধবিৰতি আলোচনাত বহিবলৈ সন্মতি প্ৰদান কৰিছে বুলি, বৃহস্পতিবাৰে ইজৰাইলৰ প্ৰধানমন্ত্ৰী বেঞ্জামিন নেতানিয়াহুৰ কাৰ্যালয়ৰ পৰা প্ৰকাশ কৰা এক বিবৃতিৰ জৰিয়তে জানিব পৰা গৈছে।
এক যৌথ বিবৃতিৰ জ়ৰিয়তে কাটাৰ, ইজিপ্ত আৰু আমেৰিকা যুক্তৰাষ্ট্ৰৰ নেতাসকলৰ দ্বাৰা প্ৰস্তাৱিত গাজা যুদ্ধবিৰতি চুক্তিৰ বাকী থকা সকলো ব্যৱধান দূৰ কৰি, অনতিপলমে ইয়াক কাৰ্যকৰী কৰিবৰ বাবে ইজৰাইল আৰু পেলেষ্টাইনী উগ্ৰপন্থী সংগঠন হামাছকো ১৫ আগষ্টত জৰুৰী আলোচনা পুনৰ আৰম্ভ কৰিবলৈ আহ্বান জনাইছে।
'এই সময় পণবন্দী আৰু কাৰাবন্দী সকলক মুক্তি প্ৰদান কৰি, যুদ্ধবিৰতি চুক্তিৰ পৰি সমাপ্তি ঘটোৱাৰ সময়' বুলিও যৌথ বিবৃতিটোত উল্লেখ কৰিছে।
Continue Reading
