ডিজিটেল ডেস্কঃএগৰাকী মহিলা সাংবাদিকৰ কামে এতিয়া ছ’চিয়েল মিডিয়াত তুমুল প্ৰতিক্ৰিয়াৰ সৃষ্টি কৰিছে। শেহতীয়াকৈ ৯ জুলাইত ঈদৰ দিনা পাকিস্তানী মহিলা সাংবাদিকগৰাকীয়ে ঈদ সম্পৰ্কীয় বাতৰি সম্প্ৰচাৰ কৰি আছিল। মহিলা সাংবাদিকগৰাকীক আগুৰি কৌতূহলী লোকে ভিৰ কৰিছিল। সাংবাদিকজনে পোনপটীয়া সম্প্ৰচাৰ কৰি থকাৰ সময়তে হঠাতে এজন ডেকা লৰাই কেমেৰাৰ সন্মুখত হাত জোকাৰি দূৰত থিয় হৈ থকা কাৰোবাক কিবা ক'লে। তাৰ পিছত, মহিলা সাংবাদিকগৰাকীয়ে নিজকে চম্ভালি ৰাখিব নোৱাৰিলে।
তেওঁ লগে লগে যুৱ জনক পূৰ্ণহতীয়া চৰ শোধায়। চৰ শোধোৱাৰ দৃশ্যৰ ভিডিঅ’ ইতিমধ্যে ছ'চিয়েল মিডিয়াত ভাইৰেল হৈ পৰিছে।
ভিডিঅ'টো টুইটাৰতো শ্বেয়াৰ কৰা হৈছে। ভাইৰেল ভিডিঅ'টো @ItxMeKarma নামৰ এটা প্ৰ'ফাইলৰ পৰা টুইটাৰত শ্বেয়াৰ কৰা দেখা গৈছে। নেটিজেনে যুৱক জনক চৰ মৰাৰ বিষয়ত নানান কথা ভাবি উলিয়াইছে। সাংবাদিকগৰাকীয়ে লৰা জনক কিয় চৰ মাৰিছিল?
নেটিজেনসকলৰ এটা অংশৰ মতে, ল’ৰাজনে নিশ্চয় কিছু বেয়া ভাষা ব্যৱহাৰ কৰিছিল। সেইকাৰণে সাংবাদিকজনে খঙতে তেওঁক চৰ মাৰে।
জানিব পৰা মতে মহিলা সাংবাদিকগৰাকীৰ নাম মাইৰা হাছমী। নেটিজেনসকলৰ এটা অংশই জনপ্ৰিয় সাংবাদিকগৰাকীৰ এনে আচৰণক গৰিহণা দিছে। ছ'চিয়েল মিডিয়াত ভাইৰেল হৈ পৰা মহিলা সাংবাদিকগৰাকীৰ কাৰ্য দেখি সকলোৱে হতবাক হৈ পৰিছে।
বহুতে কৈছে সংবাদ সেৱাৰ দৰে কামত জৰিত থকাসকলে নিজকে নিয়ন্ত্ৰণত ৰাখিবলৈ জানিব লাগে। মহিলা সাংবাদিকগৰাকীয়ে কিন্তু তেওঁক কৰা সমালোচনাৰ কোনো উত্তৰ দিয়া নাই।
Continue Reading
