আজি বিদ্যাৰ অধিষ্ঠাত্ৰী দেৱী সৰস্বতী পূজা; বাগদেৱীৰ বন্দনাৰে মুখৰিত চৌপাশ

ডিজিটেল ডেস্কঃ আজি বিদ্যাৰ অধিষ্ঠাত্ৰী দেৱী সৰস্বতী পূজা। বাগদেৱীৰ বন্দনাৰে মুখৰিত হৈছে চৌপাশ। জ্ঞান আৰু শিক্ষাৰ প্ৰগতিৰ বাবে দেৱী সৰস্বতীৰ আৰাধনা কৰিছে সকলোৱে।

প্ৰতি বছৰে মাঘ মাহৰ শুক্লা পঞ্চমী তিথিত হিন্দু ধৰ্মাৱলম্বী লোকসকলে পালন কৰে সৰস্বতী পূজা। এই দিনটোত জ্ঞান, সংগীত আৰু শিল্পৰ দেৱী সৰস্বতীক পূজা কৰিলে শিক্ষাৰ্থীসকলৰ মনৰ কামনা পূৰ্ণ হয় বুলি কয়।

সৰস্বতী পূজা উপলক্ষে আজি বেদ-মন্ত্ৰৰ ধ্বনিৰে মুখৰিত হৈছে শিক্ষানুষ্ঠান, প্ৰতিষ্ঠানসমূহ। ধূপ-ধূনাৰে প্ৰাৰ্থনা কৰিছে শিক্ষাৰ্থীসকলে। এক আধ্যাত্মিক পৰিৱেশে বিৰাজ কৰিছে প্ৰতিখন শিক্ষানুষ্ঠান, প্ৰতিষ্ঠানত।

প্ৰতি বছৰে মাঘ মাহৰ শুক্লা পঞ্চমী তিথিত এই পূজা পতা হয়। সেইবাবে ইয়াক শ্ৰীপঞ্চমী পূজা বা বসন্ত পঞ্চমী পূজা বুলিও কয়। এই পূজা বিশেষকৈ শিক্ষানুষ্ঠানসমূহত অনুষ্ঠিত কৰা হয়। ছাত্ৰ-ছাত্ৰী আৰু শিক্ষকসকলে একেলগে প্ৰীতিভোজন কৰে।