ডিজিটেল ডেস্ক: গুৱাহাটীৰ প্ৰেছ ইনফৰমেছন ব্যুৰ'ৰ নেতৃত্বত অসমৰ সংবাদ মাধ্যমৰ এটা প্ৰতিনিধি দলে আজি ভাৰতৰ অন্যতম বৃহৎ বন্দৰ কোচিন প'ৰ্ট ট্ৰাষ্ট ভ্ৰমণ কৰে। এই প্ৰতিনিধি দলটোৱে বন্দৰৰ সুবিধা পৰিদৰ্শন কৰে আৰু দেশৰ সৰ্ববৃহৎ আন্তঃৰাষ্ট্ৰীয় কণ্টেইনাৰ টাৰ্মিনেল (আইচিটিটি) ৰ কাম-কাজ প্ৰত্যক্ষ কৰে।
বন্দৰ ট্ৰাষ্টৰ পৰিদৰ্শন কালত উপ-ট্ৰেফিক মেনেজাৰ ডি অনিল কুমাৰে প্ৰতিনিধি দলটোক বন্দৰৰ কাম-কাজ, কাৰ্যকৰী ব্যৱস্থা আৰু কৌশলগত গুৰুত্বৰ বিষয়ে অৱগত কৰে। তেওঁ কয় যে কোচিন বন্দৰে আন্তঃৰাষ্ট্ৰীয় সামুদ্ৰিক বাণিজ্য আৰু ভাৰতৰ লজিষ্টিক আৰু জাহাজ পৰিবহণ ব্যৱস্থাৰ সুদৃঢ়কৰণত গুৰুত্বপূৰ্ণ ভূমিকা পালন কৰিছে।
দিনৰ দ্বিতীয়াৰ্ধত সংবাদ মাধ্যমৰ প্ৰতিনিধি দলটোৱে কোচিস্থিত আইচিএআৰ-চিএমএফআৰআই (ICAR-CMFRI) কেন্দ্ৰীয় মৎস্য গৱেষণা প্ৰতিষ্ঠান পৰিদৰ্শন কৰে। আইচিএআৰ-চিএমএফআৰআইৰ সঞ্চালক ডাঃ গ্ৰীছন জৰ্জে প্ৰতিষ্ঠানটোৰ কাৰ্য্যক্ৰম, গৱেষণা কাৰ্য্যক্ৰম আৰু ভাৰতৰ মৎস্য ক্ষেত্ৰলৈ আগবঢ়োৱা অৱদানৰ বিষয়ে বিস্তৃতভাৱে অৱগত কৰে। ডাঃ জৰ্জে জানিবলৈ দিয়ে যে আইচিএআৰ-চিএমএফআৰআইৰ অন্যতম বৃহৎ সাফল্য হৈছে সাগৰীয় মাছ পালনৰ বাবে ভাৰতৰ বিভিন্ন উপকূলত মীন পালনৰ পদ্ধতিৰ কেইবাটাও স্তৰত প্ৰশিক্ষণৰ ব্যৱস্থাৰে উপকৃত হৈছে।
তেওঁ উল্লেখ কৰে যে প্ৰতিষ্ঠানটোৰ শক্তিশালী গৱেষণা প্ৰচেষ্টাই দেশত সামুদ্ৰিক মাছ উৎপাদনৰ প্ৰায় পাঁচগুণ বৃদ্ধি আৰু জিডিপি বৃদ্ধিৰ ক্ষেত্ৰত সামুদ্ৰিক মৎস্যপালনৰ ক্ৰমবৰ্ধমান অৱদানৰ ক্ষেত্ৰত গুৰুত্বপূৰ্ণ অৱদান আগবঢ়াইছে। ইয়াৰ ফলত মৎস্যজীৱী, মৎস্য পালক, নীতি নিৰ্ধাৰক আৰু মৎস্য ব্যৱস্থাপকসকল উপকৃত হৈছে।
তেওঁ লগতে জনায় যে আইচিএআৰ-চিএমএফআৰআইৰ মান্দাপাম, বিশাখাপট্টনম, মাংগালুৰু আৰু ভিজিনজামত চাৰিটা আঞ্চলিক কেন্দ্ৰ আছে, লগতে সাতটা আঞ্চলিক কেন্দ্ৰ, পোন্ধৰটা ক্ষেত্ৰীয় কেন্দ্ৰ আৰু দুখন কৃষি বিজ্ঞান কেন্দ্ৰ (কেভিকে) আছে। সংবাদ মাধ্যমৰ প্ৰতিনিধি দলটোৱে আইচিএআৰ-চিএমএফআৰআইৰ সংগ্ৰহালয় পৰিদৰ্শন কৰে, য'ত ভাৰতৰ সমৃদ্ধ সামুদ্ৰিক জৈৱ বৈচিত্ৰ্য আৰু প্ৰতিষ্ঠানটোৰ গৱেষণা ঐতিহ্য প্ৰদৰ্শন কৰা হৈছে।
Continue Reading
