আমগুৰিঃ আমগুৰি সমষ্টিৰ বিধায়ক তথা মিত্ৰজোঁটৰ প্ৰাৰ্থী প্ৰদীপ হাজৰিকাক আক্ৰমণৰ চেষ্টা দুৰ্বৃত্তৰ। নিশা ৩৭নং ৰাষ্ট্ৰীয় ঘাইপথত বিধায়কজনৰ গাড়ীত আক্ৰমণৰ চেষ্টা পাঁচজনীয়া দুৰ্বৃত্তৰ দলটোৰ। দুৰ্বৃত্তৰ দলটোৰ AS 03 H 1755 নম্বৰৰ ইণ্ডিকা গাড়ী খনেৰে বিধায়কৰ গাড়ীত খুন্দিওৱাৰ চেষ্টা চলায়।
আৰু পঢ়িব পাৰিব : ‘ট্ৰাম্প বুদ্ধ’ : আমেৰিকাৰ প্ৰাক্তন ৰাষ্ট্ৰপতিৰ নতুন অৱতাৰ
বিধায়কৰ গাড়ীত খুন্দিয়াই প্ৰথমে পলায়ন কৰিছিল পাঁচজনীয়া দলটোৱে। চাৰিঙত ৰাইজৰ সহযোগত কৰায়ত্ত কৰা হয় দলটোক। গাড়ীখনৰ চাৰিজন দুৰ্বৃত্তই পলায়ন কৰে। গাড়ীসহ এজন দুৰ্বৃত্তক কৰায়ত্ত কৰে ৰাইজে। নিশাই ঘটনাস্থলীত গৌৰীসাগৰ আৰক্ষী উপস্থিত হৈ গাড়ীসহ দুবৃৰ্ত্তটোক আটক কৰে।
আৰু পঢ়িব পাৰিব : এমাহতে ৫ লাখক চাকৰি দিব কংগ্ৰেছে : প্ৰচাৰ অভিযান আৰম্ভ
গাড়ীত সুৰাৰ বটল, ৰ’ড উদ্ধাৰ হয়। ঘটনা সন্দৰ্ভত ইতিমধ্যে আৰক্ষীয়ে তদন্ত আৰম্ভ কৰিছে। আনহাতে অসম যুৱ পৰিষদে বিধায়ক প্ৰদীপ হাজৰিকাৰ নিৰাপত্তা অধিক কটকটীয়া কৰিবলৈ দাবী জনাইছে।
