ডিজিটেল ডেস্কঃ সমগ্ৰ দেশতে নাগৰিকত্ব সংশোধনী আইন কাৰ্যকৰী হোৱাৰ সময়তে আইন খনৰ বিৰুদ্ধে পুনৰ গৰজি উঠিছে বংগৰ মুখ্যমন্ত্ৰী মমতা বেনাৰ্জী। মমতাৰ চিধা কথা- কা পৰ্টেলত আবেদন কৰিলেই হেৰুৱাব বংগ লাভ কৰি থকা সা-সুবিধা।
আইন খনৰ বিৰুদ্ধে ইতিমধ্যে উচ্চতম ন্যায়ালয়ত কেইবা খনো আবেদন কৰা হৈছে। পশ্চিম বংগৰ মুখ্যমন্ত্ৰী তথা তৃণমূল কংগ্ৰেছৰ সৰ্বোচ্চ নেত্ৰী মমতা বেনাৰ্জীয়ে কাৰ বিৰোধিতা কৰি কয় "ইয়াৰ কোনো ভিত্তি নাই, কোনো স্বচ্ছতা নাই। এয়া ভোটৰ আগতে খেলা এক খেল। এনে কাম ১৯৯০ চনৰ আগতে অসমতো কৰা হৈছিল। ১৪ লাখ লোকক এন আৰ চিৰ অধীনলৈ অনা হৈছিল। এয়া এক অবৈধ খেল। এয়া বিজেপিৰ লুডো খেল। তেওঁলোকে ভাবিছে তেওঁলোকে মই ছয় মাৰিছে। কিন্তু প্ৰকৃততে তেনে নহয়। "
মমতাই লগতে কয় "কোনোবাই কা পৰ্টেলত আবেদন কৰাৰ লগে লগে তেওঁৰ নাগৰিকত্ব বাতিল কৰা হ'ব। এতিয়ালৈকে উপলব্ধ সুবিধাবোৰ আৰু তেওঁলোকে লাভ কৰি নাথাকিব। গতিকে আবেদন কৰাৰ আগতে সাৱধানে চিন্তা কৰি চাব।’’
মমতাই কয়, "যিসকল ইমান দিন ধৰি নাগৰিক হৈ আছিল তেওঁলোক অনুপ্ৰৱেশকাৰী হৈ পৰিব। তেওঁলোকে তেওঁলোকৰ ন্যায্য অধিকাৰৰ পৰা বঞ্চিত হ'ব। তেওঁলোকৰ ঠাই হ’ব ডিটেনচন কেম্পত। মই থাকোতে ৰাজ্যখনত কোনো ডিটেনচন কেম্প স্থাপন কৰিবলৈ অনুমতি নিদিওঁ। মই মোৰ জীৱন দিম, কিন্তু মই কাৰো নাগৰিকত্ব কাঢ়ি নিবলৈ নিদিওঁ। যদি কাৰোবাক বঞ্চিত কৰা হয়, আমি আশ্ৰয় দিম।
অধিসূচনাখনত এই আইন কাৰ্যকৰী কৰাৰ বাবে কোনো প্ৰক্ৰিয়া উল্লেখ কৰা হোৱা নাই। মই কওঁ যে এই আইনখন অসাংবিধানিক আৰু বিভাজনকাৰী।কোনেও ভয় কৰাৰ প্ৰয়োজন নাই, আপোনালোক বংগতে থাকক। কাৰো একো নহয় । যদি কাৰোবাৰ কিবা হয়, আমি আশ্ৰয় দিম। "
Continue Reading
