ডিজিটেল ডেস্কঃ শ্বাহৰূখ খানৰ ছবি ‘জৱান’ ছবিগৃহত মুক্তি পোৱাৰ লগে লগে ছবিখনৰ যাদুৱে অনুৰাগীৰ ওচৰত চাঞ্চল্যৰ সৃষ্টি কৰিছে। ছবিখনক লৈ প্ৰচণ্ড উন্মাদনা দেখা গৈছে আৰু বক্স অফিচতো ইয়াৰ প্ৰভাৱ দেখা গৈছে। প্ৰথম দিনাৰ উপাৰ্জনত ঐতিহাসিক অভিলেখ গঢ়িবলৈ ওলাইছে ছবিখনে। ইয়াৰ লগতে ছবিখনে মুক্তিৰ লগতে পাঁচটা এনে অভিলেখ গঢ়িবলৈ সক্ষম হৈছে, যিটো এতিয়ালৈকে কোনেও কৰিব পৰা নাই।
‘জৱান’ৰ আগতীয়া টিকট বিক্ৰীত দহ লাখতকৈও অধিক টিকট বিক্ৰী হৈছিল,শ্বাহৰূখ খানৰ ছবিখনে মুকলি দিৱসতে সৰ্বাধিক উপাৰ্জন কৰা প্ৰথমখন ছবি হিচাপে পৰিগণিত হৈছে। সাকনিলকৰ প্ৰতিবেদন অনুসৰি ঘৰুৱা বক্স অফিচত প্ৰথম দিনাই ছবিখনে ৭৩ কোটি টকা সংগ্ৰহ কৰিব।ছবিখনৰ হিন্দী সংস্কৰণে ৬০ কোটি টকা উপাৰ্জন কৰিব পাৰে। এতিয়ালৈকে কোনো ছবিয়ে ইমান ব্যৱসায় কৰা নাই। ইয়াৰ পূৰ্বে সৰ্বাধিক ওপেনিঙৰ অভিলেখ শ্বাহৰুখ খানৰ ছবিখনৰ পাঠানৰ আছে।
‘জৱান’ মুক্তিৰ লগে লগে আমেৰিকাৰ ভিতৰতে সৰ্বাধিক উপাৰ্জন কৰা প্ৰথম ছবি হিচাপে পৰিগণিত হৈছে। আমেৰিকাত ছবিখনৰ ৩৩ হাজাৰ টিকট বিক্ৰী হৈছে।এই সপ্তাহৰ শেষৰ ফালে ৪০০ কোটি টকাৰ ক্লাবত যোগদান কৰিব বুলিও বাতৰিত কোৱা হৈছে। যদি এনেকুৱা হয় তেন্তে ই হিন্দী চলচ্চিত্ৰ জগতত ইতিহাসৰ সৃষ্টি কৰিব।
শ্বাহৰূখ খানৰ একচন-ড্ৰামা ছবিখনত শ্বাহৰূখ খানৰ বহু ৰূপ দেখা গৈছে। ছবিখনত তেওঁৰ লগত আছে অভিনেত্ৰীৰ এটা দল। য’ত নয়নতৰা তেওঁৰ সৈতে আৰক্ষীৰ চৰিত্ৰত মুখ্য চৰিত্ৰত অভিনয় কৰাৰ বিপৰীতে প্ৰিয়মণি আৰু চান্যা মালহোত্ৰাৰো গুৰুত্বপূৰ্ণ ভূমিকা আছে। ইয়াৰ উপৰিও ৰিদ্ধি ডোগ্ৰাই শ্বাহৰূখ খানৰ মাতৃৰ চৰিত্ৰত অভিনয় কৰিছে।
Continue Reading
