মুম্বাই আৰক্ষীৰ প্ৰাক্তন মুৰব্বীৰ বিৰুদ্ধে এফআইআৰ

মুম্বাই : মহাৰাষ্ট্ৰৰ গৃহমন্ত্ৰী অনিল দেশমুখৰ বিৰুদ্ধে দুৰ্নীতিৰ অভিযোগ আনি চৰ্চাৰ কেন্দ্ৰ হৈ পৰা মুম্বাইৰ পূৰ্বৰ শীৰ্ষ বিষয়া পৰম বীৰ সিঙৰ বিৰুদ্ধেও উঠিছে অনুৰূপ অভিযোগ। মুকেশ আম্বানীৰ ঘৰৰ সন্মুখত বোমা উদ্ধাৰ হোৱা ঘটনাৰ পাছত অপসাৰিত হোৱা সিঙৰ বিৰুদ্ধে দুৰ্নীতিৰ অভিযোগ উত্থাপন কৰিছে মহাৰাষ্ট্ৰৰে এগৰাকী আৰক্ষী বিষয়াই।

আৰু পঢ়িব পাৰিব : ক’ভিড পৰিস্থিতিৰ অৱনতি অব্যাহত, প্ৰতিষেধকেই ভৰসা!

তেওঁৰ বিৰুদ্ধে আন এজন অভিযুক্তক সহায়ৰ কৰা তথা আন দুৰ্নীতিৰ অভিযোগ অনা হৈছে। একেটা গোচৰতে তেওঁ অভিযোগকাৰীক হাৰাশাস্তি কৰা বুলিও অভিযোগ উঠিছে। ভীমাৰাও ঘাৰ্গে নামৰ আৰক্ষী পৰিদৰ্শকগৰাকী আৰু আন ৩৩গৰাকী আৰক্ষীৰ লোকে তেওঁৰ বিৰুদ্ধে আকোলা জিলাত এফআইআৰ দাখিল কৰিছে। তেওঁৰ বিৰুদ্ধে অপৰাধিক ষড়যন্ত্ৰ, গোচৰৰ প্ৰমাণৰ হেৰফেৰ কৰা, আৰু অনুসূচিত জাতি আৰু অনুসূচিত জনজাতি আইন ১৯৮৯ৰ অধীনত অনা অভিযোগকে ধৰি মুঠ ২৭টা ধাৰাত গোচৰ তৰা হৈছে।

আৰু পঢ়িব পাৰিব : ২ মে’ত কোন দলৰ হাতত পাঁচ ৰাজ্যৰ শাসনৰ বাঘজৰী?

অভিযোগকৰ্তাসকলৰ ভিতৰত অৰ্থনৈতিক অপৰাধ শাখাৰ ডিচিপি পৰাগ মানেৰেও আছে। আনহাতে ঘাৰ্গেই অভিযোগ কৰা অনুসৰি সিঙে এফআইআৰ দাখিল হোৱা এজন অভিযুক্তৰ বিৰু্দ্ধে চাৰ্জশ্বিট প্ৰস্তুত নকৰিবলৈ তেওঁক নিৰ্দেশ দিছিল। তেওঁ লগতে অভিযোগ কৰে যে, সিঙৰ তলতীয়া বহু বিষয়াই তেওঁৰ কাৰ্যকালত দুৰ্নীতিত লিপ্ত আছিল।