ডিজিটেল ডেস্ক: নৱবৰ্ষৰ দিনটোতে আমেৰিকা যুক্তৰাষ্ট্ৰৰ নিউ অৰলিন্সৰ সংঘটিত হৈছে এক মৰ্মান্তিক ঘটনা৷ নৱবৰ্ষৰ দিনা এখন গাড়ীয়ে এদল লোকক খুন্দা মৰাৰ ফলত দহজন লোক নিহত হোৱাৰ লগতে ৩০ জনলোক আহত হয়।
প্ৰতিবেদন অনুসৰি এই ঘটনা সংঘটিত হৈছে নিউ অৰলিন্সৰ বোৰ্বন ষ্ট্ৰীট আৰু আইবাৰভিলৰ সংযোগস্থলৰ ওচৰত পুৱা প্ৰায় ৩:১৫ বজাত এছ ইউ ভিখ বাহনে পথচাৰীক খুন্দা মাৰে।ইয়াৰ পাছতে বোৰ্বন ষ্ট্ৰীট বন্ধ কৰি দিয়া হৈছে আৰু জৰুৰীকালীন কৰ্মীসকল সেই স্থানত উপস্থিত হৈছে। জৰুৰীকালিন সেৱা সংস্থাই মানুহক অঞ্চলটোৰ পৰা আঁতৰি থাকিবলৈ নিৰ্দেশ দিয়ে।
প্ৰত্যক্ষদৰ্শীয়ে সংবাদমাধ্যমক জনোৱা অনুসৰি, বোৰ্বন ষ্ট্ৰীটত এখন ট্ৰাকে তীব্ৰ বেগত আহি এদল মানুহক খুন্দা মাৰে। ইয়াৰ পিছতে চালকে গাড়ীৰ পৰা ওলাই আহি গুলীচালনা কৰিবলৈ আৰম্ভ কৰে আৰু আৰক্ষীয়ে প্ৰত্ত্যুতৰত গুলীচালনা কৰে।ছ’চিয়েল মিডিয়া চাইট এক্সত প্ৰকাশ পোৱা বাতৰি অনুসৰি এই দুৰ্ঘটনাত কমেও ১০ জন বা তাতকৈ অধিক লোকৰ মৃত্যু হৈছে।
উল্লেখযোগ্য যে ফ্ৰেঞ্চ কোৱাৰ্টাৰস্থিত বোৰ্বন ষ্ট্ৰীট নিউ অৰলিন্সৰ এক সুপৰিচিত পৰ্যটন স্থলী। বোৰ্বন ষ্ট্ৰীটৰ কাষত অনুষ্ঠিত হোৱা নৱবৰ্ষ উদযাপনৰ বাবে হাজাৰ হাজাৰ লোক উপস্থিত হোৱা বুলি কোৱা হৈছিল৷
Continue Reading
