কিং খানে তেওঁৰ জনপ্ৰিয় ছবি 'কুছ কুছ হোতা হে'ৰ এটা সংলাপো তাত সংলগ্ন কৰি দিয়ে। শ্বাহৰুখে লিখিছিল, 'অ'টিটিৰ পৃথিৱীত কিবা এটা ঘটিব।'
ডিজিটেল ডেস্ক :
অ'টিটিৰ পৃথিৱীত মনোৰঞ্জনৰ খোৰাক আৰু বাঢ়িব৷ ধামাক হ'ব৷ নৃত্য গানেৰে গুঞ্জৰিত হ'ব৷ কাৰণ এটাই-- এখন পোষ্টাৰ৷ বলীউডৰ অভিনেতা শ্বাহৰুখ খানে বুধবাৰে এখন পোষ্টাৰ শ্বেয়াৰ কৰে৷ পোষ্টাৰখনেৰে কিং খানে অ'টিটি প্লেটফৰ্মৰ নতুন প্ৰকল্পৰ কথা ঘোষণা কৰে৷ যাৰ ফলত উৎসাহিত হৈ পৰিছে অনুৰাগীসকল৷ অ'টিটিত তেওঁৰ নতুন প্ৰকল্প 'এছআৰকে+' নামেৰে আৰম্ভ
কৰিবলৈ লোৱাৰ খবৰে আপ্লুত কৰি তুলিছে অনুৰাগীক৷
কিং খানে তেওঁৰ জনপ্ৰিয় ছবি 'কুছ কুছ হোতা হে'ৰ এটা সংলাপো তাত সংলগ্ন কৰি দিয়ে। শ্বাহৰুখে লিখিছিল, 'অ'টিটিৰ পৃথিৱীত কিবা এটা ঘটিব।' প্ৰিয় অভিনেতাজনে অ'টিটি প্লেটফৰ্ম আত্মপ্ৰকাশৰ খবৰে সুখী কৰিছে অনুৰাগীক। এজন অনুৰাগীয়ে লিখিছে, 'কিং খানে এইবাৰ অ'টিটিৰ ওপৰতো ৰাজ কৰিব।' সকলো গভীৰ অপেক্ষাৰত শ্বাহৰুখৰ নতুন অৱতাৰৰ বাবে৷
অভিনেতা ছলমান খানেও শুভেচ্ছা বাৰ্তা প্ৰেৰণ কৰে শ্বাহৰুখক৷ ছলমানে শ্বাহৰুখৰ টুইটটো শ্বেয়াৰ কৰি লখিছিল 'আজ কি পাৰ্টী তেৰি টৰফ ছে , নতুন অ'টিটি এপৰ বাবে শুভকামনা ভাই৷' লগতে কৰণ জোহৰ, আৰু অনুৰাগ কাশ্যপৰ দৰে ছবিজগতৰ সহযোগীসকলে তাৰকাগৰাকীৰ বাবে অভিনন্দন বাৰ্তা আৰু টুইট শ্বেয়াৰ কৰে। কেৱল এইটোৱেই নহয় অনুৰাগীসকল নতুন এপ্লিকেচনৰ বিষয়ে জানিবলৈ অতি উৎসাহিত আছিল। মঙলবাৰৰ পৰা, শ্বাহৰুখে অ'টিটিত এটা নতুন প্ৰকল্প আনিব নে তেওঁ এটা অ'টিটি এপ মুকলি কৰিব সেয়া জল্পনা-কল্পনা চলি আছে। শ্বাহৰুখ খানে হটষ্টাৰ এপত এটা বিজ্ঞাপন শ্বেয়াৰ কৰিছিল৷ তেওঁ কেৱল এই বিজ্ঞাপনটোৰ বাবে পোষ্টাৰখন শ্বেয়াৰ কৰিছিল।
আনন্দ এল ৰায়ৰ পৰিচালিত 'জিৰো'ত শেষবাৰৰ বাবে দেখা পোৱাৰ পাছৰে পৰা অনুৰাগীসকলে এছআৰকেক পুনৰ চাবলৈ অপেক্ষা কৰি আছে। আৰু বাতৰিটোৱে সকলোকে আচৰিত কৰি তুলিছিল ৷ কিছুমান ব্যৱহাৰকাৰী মন্তব্য এনেধৰণৰ নেটফ্লিক্স, আমাজন প্ৰাইমৰ সময় উকলিল৷ এতিয়া কিঙে ৰাজ কৰিব অ'টিটি ।
