কণ্ঠশিল্পী শতাব্দী বৰাই সামাজিক মাধ্যমত এইদৰে লিখিছে- "নমস্কাৰ অসমবাসী ৰাইজ, মই শতাব্দী বৰা। সৰুৰে পৰা মই সংগীত জগতখনৰ লগত জড়িত। ষষ্ঠ শ্ৰেণীৰে পৰা মই মঞ্চত গীত পৰিৱেশন কৰি আহিছোঁ। ২০১৫ৰ পৰা ২০২৫ চনলৈকে অসম ৰত্ন জুবিন গাৰ্গ দাদাৰ লগত মঞ্চত একেলগে গীত পৰিৱ

Listen to Article

2 min read

80%

ডিজিটেল ডেস্কঃ কণ্ঠশিল্পী শতাব্দী বৰাক হয়তো আপোনাৰো মনত আছে । জনপ্ৰিয় কণ্ঠশিল্পী জুবিন গাৰ্গৰ সৈতে সংগীত পৰিৱেশন কৰি অসমবাসীৰ হৃদয় জয় কৰিছিল কণ্ঠশিল্পী শতাব্দী বৰাই।অসমৰ বাহিৰেও দেশৰ ভিন্ন। প্ৰান্তত গীত পৰিৱেশন কৰি সকলোৰে মন মুহিছে শতাব্দীয়ে।

কিন্তু এইবাৰৰ ৰঙালী বিহুৰ মঞ্চত শতাব্দী বৰাই জুবিন গাৰ্গৰ সৈতে একেলগে গীত পৰিৱেশন নকৰাৰ সিদ্ধান্ত লৈছে।সামাজিক মাধ্যমযোগে এই কথা জনালে কণ্ঠশিল্পী শতাব্দী বৰাই।

কণ্ঠশিল্পী শতাব্দী বৰাই সামাজিক মাধ্যমত এইদৰে লিখিছে- "নমস্কাৰ অসমবাসী ৰাইজ, মই শতাব্দী বৰা। সৰুৰে পৰা মই সংগীত জগতখনৰ লগত জড়িত। ষষ্ঠ শ্ৰেণীৰে পৰা মই মঞ্চত গীত পৰিৱেশন কৰি আহিছোঁ। ২০১৫ৰ পৰা ২০২৫ চনলৈকে অসম ৰত্ন জুবিন গাৰ্গ দাদাৰ লগত মঞ্চত একেলগে গীত পৰিৱেশন কৰি আহিছোঁ। জুবিন দাদাৰ লগত থাকোঁতেই মই কেইবাখনো অসমীয়া চলচ্চিত্ৰ (মিছন ছাইনা, আণ্ডাৰ ৱৰ্ল্ড, ৰত্নাকৰ)ত কণ্ঠদান কৰাৰ সুযোগ লাভ কৰিছিলোঁ। যোৱা দহ বছৰে মই তেওঁৰ লগত অসমৰ লগতে ভাৰতৰ বিভিন্ন ঠাইৰ বিভিন্ন দৰ্শকৰ মাজত গীত পৰিৱেশন কৰি বহুত অভিজ্ঞতা বুটলিলোঁ । অৱশ্যে মাজে মাজে মই অকলশৰীয়াকৈয়ো অসমৰ বিভিন্ন মঞ্চত গীত পৰিৱেশন কৰিছিলোঁ। আপোনালোকে মোৰ গীতসমূহকো বহুত মৰমেৰে আদৰি লৈছে। সেয়েহে মই এইবাৰ আপোনালোকৰ আশিস সাৰোগত কৰি অকলশৰীয়াকৈয়ে বিহু মঞ্চৰ বাবে সাজু হৈছোঁ। প্ৰস্তুতি প্ৰায় শেষ হৈছে। মোক বিহু মঞ্চৰ বাবে যোগাযোগৰ নম্বৰ ... ৷

মই কণ্ঠদান কৰা গীতসমূহ- সঁচাকে কোৱা কথাটি কোৱা, মিছন ছাইনাৰ মেৰʼমায়া লাই, সপোনতে আহি, ভাল পাওঁ বুলি কোৱানা, অ' আকাশ, জাকৈ ইত্যাদি। আশা কৰিছোঁ এইবাৰ বিহু মঞ্চত লগ পাম ৷এই আশাৰে...

আপোনালোকৰ মৰমৰ শতাব্দী বৰা"

উৎসঃ দৈনিক জনমভূমি