ডিজিটেল ডেস্ক: নগালেণ্ডৰ বিধানসভা নিৰ্বাচন চমু চাপিছে৷ ২৭ ফেব্ৰুৱাৰীত ৰাজ্যখনত অনুষ্ঠিত হ’ব বিধানসভা নিৰ্বাচন৷ আজি ৰাজ্যখনত মনোনয়ন পত্ৰ প্ৰত্যাহাৰৰ অন্তিম দিন৷ ৬০টা সমষ্টিযুক্ত নগালেণ্ড বিধানসভাৰ নিৰ্বাচনৰ বাবে ইতিমধ্যে সাজু হৈছে নগা পাহাৰ৷
মনোনয়নপত্ৰ দাখিল পৰ্ব শেষ হোৱাৰ পাছত মনোনয়নপত্ৰ পৰীক্ষণত বৈধ হিচাপে বিবেচিত হৈছে ২২০গৰাকী প্ৰাৰ্থী। ৰাজ্যখনত মনোনয়নপত্ৰ প্ৰত্যাহাৰৰ দিন আজি সমাপ্তি হ’ব৷
ৰাজ্যখনৰ বিধানসভা নিৰ্বাচনৰ বাবে মনোনয়ন পত্ৰ দাখিল কৰিলে ২২৫গৰাকী প্ৰাৰ্থীয়ে৷ পৰীক্ষণ পৰ্ব সমাপ্তিৰ অন্তত ২২জন প্ৰাৰ্থীৰ মনোনয়ন পত্ৰ বাতিল হয় ৷ লগতে তিনিগৰাকী প্ৰাৰ্থীয়ে ইতিমধ্যে প্ৰত্যাহাৰ কৰিছে মনোনয়ন পত্ৰ৷
অৱশ্যে আজি মনোনয়ন পত্ৰ দাখিলৰ অন্তিম দিন হেতু আজিৰ ভিতৰত কোনো প্ৰাৰ্থীয়ে নিজৰ মনোনয়নপত্ৰ প্ৰত্যাহাৰ কৰিব পাৰে৷
ৰাজ্যখনত ইতিমধ্যে নিৰ্বাচনী প্ৰচাৰ আৰম্ভ কৰিছে শাসকীয় এনডিপিপি আৰু বিজেপিয়ে৷ এনপিএফ, কংগ্ৰেছ, লোক জনশক্তি পাৰ্টি (ৰামবিলাস), এনপিপি, জেডিইউ, ৰিপাব্লিকান পাৰ্টি অব্ ইণ্ডিয়া, নেশ্যনেলিষ্ট কংগ্ৰেছ পাৰ্টি, ৰাইজিং পিপুলছ্ পাৰ্টি, ৰাষ্ট্ৰীয় জনতা দল আৰু চিপিআইয়েও আৰম্ভ কৰিছে নিজৰ নিজৰ প্ৰচাৰ অভিযান৷
Continue Reading
