ডিজিটেল ডেস্কঃ জনপ্ৰিয় ইনফ্লুৱেন্সাৰ কুব্ৰা আইকুটৰ আত্মহত্যা। ২৬ বছৰ বয়সত মৃত্যু কুব্ৰাৰ। এটা বিলাসী এপাৰ্টমেণ্টৰ পঞ্চম মহলাৰ পৰা জপিয়াই আত্মহত্যা কৰে কুব্ৰাই।
ইস্তানবুলৰ চুলতানবেলি জিলাৰ এটা অট্টালিকাৰ পৰা কুব্ৰাই জপিয়াই দিয়ে। আপোনালোকক জনাওঁ যে কুব্ৰাই দৰা অবিহনে নিজকে নিজে বিয়া পাতি চৰ্চাত আহিছিল। তেওঁৰ বিয়াৰ ভিডিঅ'ই ইণ্টাৰনেট জগতত আলোড়নৰ সৃষ্টি কৰিছিল। তেওঁ টিকটকাৰ হিচাপেও জনপ্ৰিয়তা অৰ্জন কৰিছিল।
উল্লেখ্য যে তেওঁৰ মৃতদেহৰ পৰা এখন ছুইচাইড নোট উদ্ধাৰ কৰিছে। অৱশ্যে এই সন্দৰ্ভত আৰক্ষীয়ে তদন্ত অব্যাহত ৰাখিছে।
তেওঁৰ মৃত্যুৰ তদন্ত আৰম্ভ কৰি মৃতদেহ মৰণোত্তৰ পৰীক্ষাৰ বাবে প্ৰেৰণ কৰা হৈছে। পিতৃ-মাতৃৰ বাসগৃহত তেওঁৰ গৃহ চহৰত শেষকৃত্য সম্পন্ন কৰা হ’ব।
অন্ত্যেষ্টিক্ৰিয়াত কেইবাগৰাকীও টিকটক তাৰকা উপস্থিত থকাৰ সম্ভাৱনা আছে। একে সময়তে অনুৰাগীসকলে ছ’চিয়েল মিডিয়া পোষ্টৰ জৰিয়তে কুব্ৰা আইকুটক শ্ৰদ্ধাঞ্জলি জনাইছে।
কুব্ৰাই কিয় আত্মহত্যা কৰিলে সেয়া সম্পূৰ্ণ ৰহস্যৰ আৱৰ্তত৷
Continue Reading
