পাকিস্তানৰ প্ৰধানমন্ত্ৰী শ্বাহবাজ শ্বৰীফে ৰাষ্ট্ৰসংঘৰ সাধাৰণ পৰিষদত ভাষণ প্ৰদান কৰি জম্মু-কাশ্মীৰৰ পৰিস্থিতিক পেলেষ্টাইন সৈতে তুলনা কৰি মন্তব্য প্ৰদান কৰাক লৈ তীব্ৰ সমালোচনাৰ সম্মুখীন হৈছে পাকিস্তান৷শ্বাহবাজ শ্বৰীফৰ এই মন্তব্যৰ প্ৰত্তুত্যৰত ভৰতে, পাকিস্তা

Listen to Article

2 min read

80%

ডিজিটেল ডেস্ক:পাকিস্তানৰ প্ৰধানমন্ত্ৰী শ্বাহবাজ শ্বৰীফে ৰাষ্ট্ৰসংঘৰ সাধাৰণ পৰিষদত ভাষণ প্ৰদান কৰি জম্মু-কাশ্মীৰৰ পৰিস্থিতিক পেলেষ্টাইন সৈতে তুলনা কৰি মন্তব্য প্ৰদান কৰাক লৈ তীব্ৰ সমালোচনাৰ সম্মুখীন হৈছে পাকিস্তান৷শ্বাহবাজ শ্বৰীফৰ এই মন্তব্যৰ প্ৰত্তুত্যৰত ভৰতে, পাকিস্তানক ভাৰতৰ ভূখণ্ডৰ প্ৰতি লোভী আৰু ভাৰতৰ অবিচ্ছেদ্য অংগ জম্মু-কাশ্মীৰৰ নিৰ্বাচনত ব্যাঘাত জন্মাবৰ বাবে পাকিস্তানে সন্ত্ৰাসবাদৰ ব্যৱহাৰ কৰিছে বুলি মন্তব্য কৰে৷

২৮ ছেপ্টেম্বৰত ভাৰতীয় কূটনীতিবিদ ভৱিকা মংগলনন্দনে ৰাষ্ট্ৰসংঘৰ সাধাৰণ পৰিষদৰ সভাত ভাষণ প্ৰদান কৰি কয় যে ‘সমগ্ৰ বিশ্ব জ্ঞাত যে পাকিস্তানে দীৰ্ঘদিন ধৰি সন্ত্ৰাসবাদক নিজৰ চুবুৰীয়া ৰাষ্ট্ৰৰ বিৰুদ্ধে অস্ত্ৰ হিচাপে ব্যৱহাৰ কৰি আহিছে। ভাৰতৰ সংসদ, বিত্তীয় ৰাজধানী মুম্বাই, বজাৰ আৰু তীৰ্থযাস্থানৰ পথসমুহত আক্ৰমণ কৰিছে। এনে এখন দেশে যিকোনো ঠাইতে হিংসাৰ কথা কোৱাটো এক ভণ্ডামি।’ তেওঁ লগতে, স্বচ্ছ নিৰ্বাচনৰ ইতিহাস নথকা এখন দেশে গণতন্ত্ৰত ৰাজনৈতিক বিকল্পৰ কথা কোৱাটো অস্বাভাৱিক বুলিও মন্তব্য কৰে৷

ভাৰতৰ প্ৰতিনিধি গৰাকীয়ে কয় যে সন্ত্ৰাসবাদৰ লগত আপোচ কৰিব নোৱাৰি।পাকিস্তানে বুজা উচিত যে ভাৰতৰ বিৰুদ্ধে সীমান্তত সন্ত্ৰাসবাদে অনিবাৰ্যৰূপে ইয়াৰ পৰিণতিক আমন্ত্ৰণ কৰিছে।বিশ্বই পাকিস্তানৰ প্ৰকৃত ৰূপ কি সেয়া বুজি উঠিব৷ শ্বেহবাজ শ্বৰীফৰ মন্তব্যক খাৰিজ কৰাৰ লগতে হাস্যকৰ বুলি অভিহিত কৰি ভাৰতে কয় যে পাকিস্তানে মিছা কথাৰে সত্যক প্ৰতিপন্ন কৰাৰ প্ৰচেষ্টাই বাস্তৱক সলনি কৰিব নোৱাৰে বুলিও মন্তব্য কৰে৷আৰু কয় আমাৰ স্থিতি স্পষ্ট আৰু ইয়াক পুনৰাবৃত্তি কৰাৰ প্ৰয়োজন নাই।

শ্বাহবাজ শ্বৰীফে ৰাষ্ট্ৰসংঘৰ সাধাৰণ পৰিষদৰ সভাত জম্মু-কাশ্মীৰৰ পৰিস্থিতি সম্পৰ্কত মন্তব্য কৰি পেলেষ্টাইনৰ সৈতে তুলনা কৰি কয় যে জনসাধাৰণে নিজৰ স্বাধীনতা আৰু আত্মনিয়ন্ত্ৰণৰ অধিকাৰৰ বাবে এক শতিকাৰ সংগ্ৰাম কৰি আহিছে। তেওঁ ভাৰতক ৩৭০ অনুচ্ছেদ আঁতৰোৱাৰ সিদ্ধান্ত প্ৰত্যাহাৰ কৰিবলৈ কোৱাৰ লগতে ৰাষ্ট্ৰসংঘৰ নিৰাপত্তা পৰিষদৰ প্ৰস্তাৱ আৰু কাশ্মীৰী জনসাধাৰণৰ ইচ্ছা অনুসৰি আলোচনা কৰিবলৈ আহ্বান জনায়।

শ্বেহবাজ শ্বৰীফে, নতুন দিল্লীয়ে ইছলামবাদৰ পাৰস্পৰিক কৌশলগত সংযমৰ ব্যৱস্থাৰ প্ৰস্তাৱ নাকচ কৰাৰ লগতে ভাৰতীয় নেতৃত্বই এল অ’ চি পাৰ হোৱাৰ ভাবুকি দিয়াৰো অভিযোগ উত্থাপন কৰিছে। শ্বেহবাজ শ্বৰীফে পাকিস্তানৰ বিৰুদ্ধে ভাৰতে সামৰিক শক্তিৰ ব্যাপকভাৱে সম্প্ৰসাৰণ কৰাৰ অভিযোগো উত্থাপন কৰে।

উল্লেখোগ্য যে পাকিস্তানৰ প্ৰধানমন্ত্ৰীগৰাকীৰ মন্তব্য খাৰিজ কৰি ভাৰতে সন্ত্ৰাস আৰু আলোচনা একেলগে চলিব নোৱাৰে বুলি মন্তব্য কৰে।