ডিজিটেল ডেস্কঃ ভাৰতত চলি আছে ২০২৩ৰ এদিনীয়া বিশ্বকাপ৷ যোৱা ৪ নৱেম্বৰ শনিবাৰে বিশ্বকাপ ২০২৩ৰ খেলখনত পাকিস্তানে নিউজিলেণ্ডৰ বিৰুদ্ধে জয়ৰ অভিলেখ গঢ়িছিল যদিও জয়ৰ মাদকতা চুটি হৈ পৰে। বেংগালুৰুৰ এম চিন্নাস্বামী ষ্টেডিয়ামত অনুষ্ঠিত হোৱা খেলখনত বাবৰ আজম নেতৃত্বাধীন দলটোক লেহেমীয়া অভাৰ ৰাণ ৰেট বজাই ৰখাৰ বাবে আইচিচিয়ে জৰিমনা বিহে।
নিউজিলেণ্ডে প্ৰথমে বেটিং কৰাৰ সময়তে চলিত এদিনীয়া বিশ্বকাপৰ সৰ্বোচ্চ মুঠ ৪০১ ৰান সংগ্ৰহ কৰে। উদীয়মান তাৰকা ৰাছিন ৰবিন্দ্ৰই প্ৰতিযোগিতাখনৰ তৃতীয় শতক পঞ্জীয়ন কৰাৰ বিপৰীতে অধিনায়ক কেন উইলিয়ামছনে ৯৫ ৰান সংগ্ৰহ কৰি পাকিস্তানৰ বলিং আক্ৰমণত ব্যাঘাত জন্মায়।
পাকিস্তানে স্লট অভাৰ ৰেটৰ লক্ষ্যতকৈ দুটা অভাৰ কমকৈ বিফল হৈ আইচিচিৰ খেলুৱৈ আৰু খেলুৱৈ সহায়ক কৰ্মীৰ আচৰণ বিধি ২.২২ অনুচ্ছেদৰ অধীনত দোষী সাব্যস্ত হয়। খেলৰ পাছত অন-ফিল্ড আম্পায়াৰ পল উইলছন আৰু ৰিচাৰ্ড কেটলব’ৰ’, তৃতীয় আম্পায়াৰ ৰিচাৰ্ড ইলিংৱৰ্থ আৰু চতুৰ্থ আম্পায়াৰ জোৱেল উইলছনে এই অভিযোগ উত্থাপন কৰে আৰু বাবৰে মেচ মাচুলৰ ১০ শতাংশ প্ৰস্তাৱিত জৰিমনা গ্ৰহণ কৰে।
ইফালে মেচখনত প্ৰবীণ পাক ক্ৰিকেটাৰ ফখৰ জামানৰ ৬৩ বলত চাঞ্চল্যকৰ শতক আৰু বাবৰৰ অপৰাজিত পঞ্চাশ ৰান সংগ্ৰহ কৰি পাকিস্তানে মাত্ৰ ২৫.৩ অভাৰত এটা উইকেটত ২০০ ৰান সংগ্ৰহ কৰি ডি এল এছৰ সহায়ত দুটা পইণ্ট লাভ কৰি জয়লাভ কৰে। এই জয়ে পাকিস্তানৰ ছেমিফাইনেলত উপস্থিতিৰ আশা বৃদ্ধি কৰে।
Continue Reading
