ডিজিটেল ডেস্ক: আমেৰিকাৰ ৰাষ্ট্ৰপতি ড’নাল্ড ট্রাম্পে এটা নতুন ক্ষেপণাস্ত্ৰ প্ৰতিৰক্ষা কৱচ নিৰ্মাণ কৰিবলৈ প্ৰদান কৰা কাৰ্যবাহী আদেশটোক শুকুৰবাৰে ৰাছিয়াই গৰিহণা দিছে। মস্কোৱে অভিযোগ কৰি কয় যে আমেৰিকাই বিশ্বজনীন পাৰমাণৱিক ভাৰসাম্যতাক বিফল কৰিবলৈ চেষ্টা কৰি আছে মহাকাশলৈ সামৰিক বিবাদ লৈ যোৱাৰ পথ সুগম কৰিছে।
উল্লেখযোগ্য যে বেলেষ্টিক, হাইপাৰছনিক, ক্রুজ মিচাইল আৰু অন্য যিকোনো আকাশী ক্ষেপণাস্ত্ৰ প্ৰতিৰক্ষা কৱচ 'আমেৰিকান আইৰন ড্র'ন' বিকশিত কৰিবলৈ এটা প্ৰক্ৰিয়া বাধ্যতামূলক কৰাৰ বাবে সোমবাৰে ট্রাম্পে এটা কাৰ্যকৰী আদেশত স্বাক্ষৰ কৰিছিল। আনহাতে, ট্রাম্পৰ এই আদেশৰ পাছতে ৰাছিয়া, চীন আৰু উত্তৰ কোৰিয়া- তিনি মিত্ৰদেশ জাঙুৰ খাই উঠে।
পাৰমাণৱিক ভাৰসাম্যতা বিনষ্ট কৰাৰ লগতে সামৰিক বিবাদ মহাকাশলৈ লৈ যোৱাৰ অভিযোগ তোলে আমেৰিকাৰ ওপৰত। শুকুৰবাৰে ৰাছিয়াৰ বৈদেশিক মন্ত্ৰ্যালয়ৰ মুখপাত্র মোৰিয়া জাখাৰভে কয় যে আমেৰিকাৰ এই পৰিকল্পনাই ৰাছিয়া আৰু চীনৰ পাৰমাণৱিক প্ৰতিৰোধৰ সমৰ্থতাক দুৰ্বল কৰাৰ লক্ষ্য লৈছে।
উৎসঃ দৈনিক জনমভূমি
Continue Reading
