ডিজিটেল ডেস্ক: পুনৰ চৰ্চালৈ আহিছে নাগৰিকত্ব সংশোধনী আইন, চমুকৈ ‘কা’৷ লোকসভা নিৰ্বাচনৰ পূৰ্বে ‘কা’ক লৈ বিশেষ তৎপৰতা অৱলম্বন কৰিছে বিজেপি নেতৃত্বাধীন কেন্দ্ৰীয় চৰকাৰে৷ লোকসভা নিৰ্বাচনৰ পূৰ্বে দেশত ‘কা’ কাৰ্যকৰী কৰিবলৈ উঠিপৰি লাগিছে কেন্দ্ৰীয় চৰকাৰ৷
এসপ্তাহৰ ভিতৰত দেশত বলবৎ হ’ব ‘কা’৷ এই দাবী কেন্দ্ৰীয় মন্ত্ৰী শান্তনু ঠাকুৰৰ৷ বংগৰ দক্ষিণ ২৪ পৰগণাৰ কাকদ্বীপত এক ৰাজহুৱা সমাৱেশক সম্বোধন কৰি ঠাকুৰে বাংলা ভাষাত কয়, মই গেৰাণ্টী দিব পাৰোঁ যে অহা সাত দিনৰ ভিতৰত কেৱল পশ্চিম বংগতে নহয়, সমগ্ৰ ভাৰততে ‘কা‘ কাৰ্যকৰী কৰা হ’ব।
বংগৰ বনগাঁৱৰ পৰা বিজেপিৰ লোকসভাৰ সাংসদ শান্তনু ঠাকুৰে কেন্দ্ৰীয় গৃহমন্ত্ৰী অমিত শ্বাহে ‘কা’কৈ লৈ ঘোষণা কৰা স্থিতিৰ পুনৰাবৃত্তি কৰে৷
যোৱা বছৰৰ ডিচেম্বৰত অমিত শ্বাহে দৃঢ়তাৰে কৈছিল যে বিজেপি নেতৃত্বাধীন কেন্দ্ৰীয় চৰকাৰে ‘কা’ কাৰ্যকৰী কৰিব আৰু কোনেও ইয়াক ৰোধ কৰিব নোৱাৰে। অমিত শ্বাহে তেওঁৰ মন্তব্যৰে পশ্চিম বংগৰ মুখ্যমন্ত্ৰী মমতা বেনাৰ্জীক লক্ষ্য কৰা লৈছিল, কিয়নো মমতাই ‘কা’ৰ বিৰোধিতা কৰি আহিছে৷
Continue Reading
