অক্ষয় কুমাৰৰ 'ওএমজি২'য়ে এডাল্ট প্ৰমাণপত্ৰ পোৱাত সদগুৰুৰ ক্ষোভ , অভিনেতা অক্ষয় কুমাৰে কি ক’লে?

 ৮ আগষ্টত আন এটা টুইটত সদগুৰুৱে দাবী কৰে  যে ছবিখনে কেন্দ্ৰীয় চলচ্চিত্ৰ প্ৰমাণপত্ৰ পৰিষদৰ (চিবিএফচি) দ্বাৰা 'এ' প্ৰমাণপত্ৰ লাভ কৰিব নালাগিছিল। অমিত ৰায়-পৰিচালিত ছবিখনে ১১ আগস্টত মুক্তি লাভ কৰিব। ওহ মাই গড ২'ত অক্ষয় কুমাৰ আৰু পংকজ ত্ৰিপাঠীয়ে অভিনয় কৰিছে। ছবিখনত  অক্ষয় কুমাৰে ভগৱান শিৱৰ চৰিত্ৰত অভিনয় কৰিছে।  'ওএমজি ২'য়ে চেঞ্চৰ বোৰ্ডৰ পৰা 'এ - এডাল্টছ অ'নলি' প্ৰমাণপত্ৰ লাভ কৰিছে। আমোদজনক ভাৱে  এয়া হৈছে অক্ষয় কুমাৰৰ ১২  বছৰৰ ভিতৰত প্ৰথম খন ছবি যিখনে  কেৱল প্ৰাপ্তবয়স্কৰ প্ৰমাণপত্ৰ লাভ কৰিছে। ছবিখন চোৱাৰ পিছত সদগুৰুৱে টুইটাৰত ছবি খনৰ বিষয়ে প্ৰতিক্ৰিয়া ব্যক্ত কৰি লিখিছে , "ছবি খন কিশোৰ-কিশোৰীসকলেও উপভোগ কৰিব পৰা হ’ব লাগে।  এয়া  আটাইতকৈ গুৰুত্বপূৰ্ণ কথা । কাৰণ মানৱ জীৱবিজ্ঞান বুজা আৰু এজন ব্যক্তিৰ জৈৱিক প্ৰয়োজনীয়তাৰ প্ৰতি সন্মানজনক আৰু দায়িত্বশীল উপায়েৰে সঁহাৰি দিয়াৰ বিষয়ে শিক্ষাৰ প্ৰয়োজন হৈছে।" 

অক্ষয় কুমাৰে সদগুৰুৰ টুইটৰ প্ৰতিক্ৰিয়া ব্যক্ত কৰি কয়, " আপোনাক বহুত ধন্যবাদ। আশা কৰোঁ বাৰ্ত্তাটো সঠিকভাবে  দূৰদূৰলৈ গৈ পাব।" চলচ্চিত্ৰখন, পৰিচালনা কৰিছে অমিত ৰায়ে। 'ওএমজি ২'ত ৰামায়ণ খ্যাত য়ামী গৌতম, পংকজ ত্ৰিপাঠী আৰু অৰুণ গোভিলেও অভিনয় কৰিছে । ছবি খন  ১১ আগষ্টত ছবিগৃহত মুক্তি দিয়া হ'ব। ব্যংগাত্মক কমেডি-ড্ৰামাখন ২০১২ চনৰ হিট ছবি 'ওএমজি- ওহ মাই গড' ৰ চিকুৱেল। ছবিখন কেপ অফ গুড ফিল্মছ, অশ্বিন ভাৰ্ডে, বিপুল ডি শ্বাহ আৰু ৰাজেশ বহেলে প্ৰযোজনা কৰিছে। ডঃ চন্দ্ৰপ্ৰকাশ দিৱেদি চিনেমাখনৰ সৃষ্টিশীল প্ৰযোজক। চিনেমাখনৰ চিনেমাটোগ্ৰাফী অমলেণ্ডু চৌধুৰীয়ে কৰিছে।