জটিল ৰোগত আক্ৰান্ত হৈ জীৱন-মৃত্যুৰে যুঁজিছে এবছৰীয়া নিভাস্নী মেছে; চৰকাৰ,ৰাইজক সহায়ৰ আহ্বান দুৰ্ভগীয়া পৰিয়ালৰ

ডিজিটেল ডেস্ক: এক হৃদয় বিদাৰক মৰ্মান্তিক ঘটনা৷ এটা দুৰ্ভগীয়া পৰিয়ালৰ মৰ্মবেদনা। তিনিচুকীয়া জিলাৰ অসম-অৰুণাচল সীমান্তৰ কৈলাশপুৰ মদাৰখাটৰ নিউটন মেছ আৰু ৰুলী মেছৰ মাত্ৰ এক বছৰীয়া কন্যা সন্তানৰ শৰীৰত দেখা দিছে এক জটিল চৰ্ম ৰোগ। 

কণমানিজনীৰ নাম নিভাস্নী মেছ। জীৱনটো ভালকৈ ফুলিবলৈ নাপাওতেই জীৱন-মৃত্যুৰ যুঁজ দিব লগা হৈছে নিভাস্নীয়ে। 

দৰিদ্ৰ পৰিয়ালটোৱে কণমানিজনীক ডিব্ৰুগড়ৰ এখন ব্যক্তিগত খণ্ডৰ চিকিৎসালয়ত চিকিৎসা কৰোৱাই আছে। কণমানি নিভাস্নীৰ চিকিৎসাৰ বাবে পিতৃ-মাতৃয়ে সাঁচতীয়া ধনৰ লগতে বিক্ৰী কৰিছে পৈতৃক সম্পত্তি। 

কণমানিজনীৰ উন্নত চিকিৎসাৰ বাবে বহিঃৰাজ্যৰ উন্নত চিকিৎসালয়ত লৈ যোৱাৰ মন কণমানিজনীৰ মাতৃৰ। কিন্তু হাতত নাই ধন। যাৰ বাবে এখোজ আগুৱাই দুখোজ পিছুৱাবগলীয়া হৈছে দুৰ্ভগীয়া পৰিয়ালটো। 

পৰিয়ালটোৰ বাবে এতিয়া একমাত্ৰ ভৰষা চৰকাৰ তথা ৰাইজ। জীৱন যুদ্ধত জয়ী হ’বনে কণমানি নিভাস্নী? আপোনাৰ-মোৰ সকলোৰে সহযোগত জীৱন ৰক্ষা পৰিব কণমানিজনীৰ। 

আহক, আমি সকলোৱে মিলি অলপ সহায় কৰো দুৰ্ভগীয়া পৰিয়ালটোক । এই QR Code যোগে আপুনি আগবঢ়াব পাৰিব সহায়ৰ হাত।

মৰমলগা কনমাণি নিভাস্নীক সহায়ৰ বাবে 9678974860 এই মোবাইল নম্বৰত যোগাযোগ কৰাৰ বাবে আহ্বান৷