ডিজিটেল ডেস্কঃ ইজৰাইলত এতিয়া যুদ্ধৰ বিভীষিকা। কেতিয়া ক’ত বোমা ফুটে তাৰ কোনো নিশ্চয়তা নোহোৱা হৈ পৰিছে। এনে সময়তে যুদ্ধবিধ্বস্ত ইজৰাইলৰ পৰা আন ২৬৮ জন ভাৰতীয় ঘৰলৈ উভতি আহিছে। কেন্দ্ৰই ইজৰাইলত আৱদ্ধ ভাৰতীয়সকলক উদ্ধাৰ কৰিবলৈ অপাৰেচন অজয় আৰম্ভ কৰিছে।
এই অভিযানৰ অধীনতে পঞ্চম খন বিমানেৰে বুধবাৰে ২৬৮গৰাকী ভাৰতীয়ই নিজৰ দেশত ভৰি দিয়ে। বৈদেশিক পৰিক্ৰমা মন্ত্ৰালয়ৰ মুখপাত্ৰ অৰিন্দম বাগচীয়ে এক্স-হেণ্ডেলত এই কথা প্ৰকাশ কৰিছে। ভাৰতীয়সকলৰ উপৰি যাত্ৰীসকলৰ ভিতৰত ১৮গৰাকী জন নেপালৰ নাগৰিকো আছে।
"১৮গৰাকী নেপালৰ নাগৰিকসহ ২৮৬ জন যাত্ৰী পঞ্চমখন বিমানেৰে নতুন দিল্লীত উপস্থিত হৈছে। তেওঁলোকক বৈদেশিক পৰিক্ৰমা মন্ত্ৰালয়ে উষ্ম আদৰণি জনায়।
ইজৰাইলত ১৮,০০০ ভাৰতীয়ই বাস কৰে আৰু তাত কাম কৰে। তেওঁলোকৰ বহুতেই শিক্ষাৰ্থী। বহুতে আইটি কৰ্মী। সাম্প্ৰতিক পৰিস্থিতিত, তেওঁলোক বিপদত পৰিছে। কেইদিনমান আগতে হামাছে গাজা অঞ্চলৰ পৰা ইজৰাইললৈ ৰকেট নিক্ষেপ কৰিছিল। একে সময়তে, বহু সন্ত্ৰাসবাদীয়ে ইজৰাইলত প্ৰৱেশ কৰিছিল।
এতিয়াও সাধাৰণ নাগৰিকৰ ওপৰত হামাছৰ অত্যাচাৰ অব্যাহত আছে। হামাছ-ইজৰাইল সংঘৰ্ষত এতিয়ালৈকে ৪,০০০ ৰৰো অধিক লোক নিহত হৈছে। আমেৰিকা যুক্তৰাষ্ট্ৰৰ বিদেশ সচিব এণ্টনি ব্লিঙ্কেন বৰ্তমান তেল আভিভত আছে। মাৰ্কিন ৰাষ্ট্ৰপতি জো বিডেনেও বুধবাৰে যুদ্ধবিধ্বস্ত ইজৰাইল ভ্ৰমণ কৰাৰ কথা।
Continue Reading
