ডিজিটেল ডেস্কঃ OpenAIৰ বিষয়ে বিশ্ববাসীক সজাগ কৰা সূচীৰ বালাজীৰ ৰহস্যজনক মৃত্যু৷ ছানফ্ৰান্সিস্কোৰ এপাৰ্টমেণ্টত উদ্ধাৰ ২৬ বছৰীয়া সূচীৰৰ নিথৰ দেহ৷
ভাৰতীয়-আমেৰিকান AI গৱেষক সূচীৰ বালাজী আছিল এগৰাকী হুইচেল ব্ল’ৱাৰ৷ তেওঁ OpenAI ৰ বাবে কাম কৰিছিল আৰু তাৰ পিছত এই কোম্পানীটোৰ বিৰুদ্ধে মাত মাতিছিল৷
সূচীৰে আত্মহত্যা কৰিছে বুলি সন্দেহ কৰা হৈছে। চাৰি বছৰ ধৰি OpenAIৰ বাবে উৎকৃষ্ট কাম কৰা আৰু Chat GPTৰ বিকাশৰ ক্ষেত্ৰত ডাঙৰ ভূমিকা গ্ৰহণ কৰা বালাজীয়ে Open AIৰ বিৰুদ্ধে বহু অভিযোগ উত্থাপন কৰাৰ সময়ত তেওঁ বিশ্ববাসীৰ চৰ্চালৈ আহিছিল।
সূচীৰে কয় যে সাংবাদিক, লেখক, প্ৰগ্ৰেমাৰ আদিৰ কপিৰাইটযুক্ত সামগ্ৰীৰ অনুমতি অবিহনে ব্যৱহাৰ কৰি ChatGPT সৃষ্টি কৰা হৈছে, যাৰ প্ৰত্যক্ষ প্ৰভাৱ বহু ব্যৱসায়ত পৰিব। তেওঁৰ জ্ঞানে OpenAIৰ বিৰুদ্ধে চলি থকা আইনী গোচৰসমূহত ডাঙৰ প্ৰভাৱ পেলালেহেঁতেন।
মাত্ৰ ২৬ বছৰ বয়সতে তেওঁ কিয় এই সিদ্ধান্ত ল’লে সেয়া এতিয়াও অজ্ঞাত। আৰক্ষীৰ তদন্ত চলি আছে।
Continue Reading
